శుక్రవారం, మార్చి 21, 2014

పున్నమిలాగా వచ్చిపొమ్మని...

కె.వి.మహదేవన్ గారి అసిస్టెంట్ గా అందరికీ తెలిసిన పుహళేంది గారు స్వరపరచిన పాట ఇది. పాట చాలా సార్లే విన్నాను కానీ సంగీతం పుహళేంది గారని ఇప్పటివరకూ తెలియదు. మీరూ వినండి. ఈ పాట చిమటాలో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడ్ చేసిన యూట్యూబ్ లింక్ కూడా కేవలం ఆడియో మాత్రమే.



చిత్రం : జడగంటలు (1984)
సంగీతం : పుహళేంది
సాహిత్యం : వేటూరి
గానం : బాలు, సుశీల

ఆ..ఆ...ఆ...
లలలలలలలల.. లాలాలా... లాలాలా...

పున్నమిలాగా వచ్చిపొమ్మని జాబిల్లడిగింది
పుష్కరమల్లే వచ్చిపొమ్మని గోదారడిగింది

పున్నమిలాగా వచ్చిపొమ్మని జాబిల్లడిగింది
పుష్కరమల్లే వచ్చిపొమ్మని గోదారడిగింది

నువ్వు రావాలా... పువ్వు పూయాలా... రావేలా?
జడ గంటమ్మా... రతనాలమ్మా... జానకమ్మా...

పున్నమిలాగా వచ్చిపొమ్మని జాబిల్లడిగింది..ఈ..
పుష్కరమల్లే వచ్చిపొమ్మని గోదారడిగింది

లలల ఆ..
లలలలల లాలలలా..

పాపికొండలా... పండువెన్నెలా... పకపక నవ్వాలా
వెండి గిన్నెలో పాలబువ్వలా రెల్లే నవ్వాలా.. ఆఆఆ..
పాపికొండలా... పండువెన్నెలా... పకపక నవ్వాలా
వెండి గిన్నెలో పాలబువ్వలా రెల్లే నవ్వాలా
నీ మువ్వలు కవ్విస్తుంటే... ఆ సవ్వడి సై అంటుంటే
నీ మువ్వలు కవ్విస్తుంటే... ఆ సవ్వడి సై అంటుంటే
సెలయేరమ్మా... గోదారమ్మా చేతులు కలపాలా
చేతులు విడిచిన చెలిమిని తలచి కుంగిపోవాలా..
నే కుంగిపోవాలా..

పున్నమిలాగా వచ్చిపొమ్మని జాబిల్లడిగింది..ఈ..
పుష్కరమల్లే వచ్చిపొమ్మని గోదారడిగింది

లలలల లాలాలా... లలలల లాలాలా

పల్లెపట్టునా పాలపిట్టలే శకునం పలకాలా...
గోవు పొదుగునా పాలవెల్లులే పొంగులు వారాలా..ఆఆఆ..
పల్లెపట్టునా పాలపిట్టలే శకునం పలకాలా...
గోవు పొదుగునా పాలవెల్లులే పొంగులు వారాలా
జడగంటలు మనసిస్తుంటే... గుడిగంటలు మంత్రిస్తుంటే
జడగంటలు మనసిస్తుంటే... గుడిగంటలు మంత్రిస్తుంటే
నింగీ నేలా కొంగులు రెండు ముడివడిపోవాలా
ముడివిడిపోయిన ముద్దుని తలచి కుంగిపోవాలా..ఆ..
నే కుంగిపోవాలా..

పున్నమిలాగా వచ్చిపొమ్మని జాబిల్లడిగింది
పుష్కరమల్లే వచ్చిపొమ్మని గోదారడిగింది
నువ్వు రావాలా... పువ్వు పూయాలా.. రావేలా?
జడ గంటమ్మా... రతనాలమ్మా... జానకమ్మా...

ఆ... ఆ... ఆ...

పున్నమిలాగా వచ్చిపొమ్మని జాబిల్లడిగింది
పుష్కరమల్లే వచ్చిపొమ్మని గోదారడిగింది...

8 comments:

కదా కార్తీక్ గారూ.. ఈ పాట వేయమని అడిగిన హర్షకి థాంక్స్ చెప్పుకున్నానండీ పోస్ట్ చేసేప్పుడు :-)
థాంక్స్ ఫర్ ద కామెంట్.

​థాంక్యు సో మచ్ వేణు గారూ :)​

ప్లెజర్ ఈజ్ మైన్ హర్షా..

బాపూ గారి బొమ్మకి రూపమొచ్చినట్టు వుంటుందండీ ఈ పాట (లిరిక్స్ లో)..

థాంక్స్ శాంతి గారు.. అవునండీ కరెక్ట్ గా చెప్పారు.

మీ కృషీ..
అభిరుచి..
అభినందనీయం వేణూ శ్రీకాంత్ గారు

ధన్యవాదాలు Saride nag గారూ.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail