ఆదివారం, జనవరి 15, 2017

నీరు.. నీరు..నీరు

కనుమ సంధర్బంగా మిత్రులకు శుభాకాంక్షలు. రైతుల పండగ అయిన ఈ సంక్రాంతి నుండైనా రైతు సంతోషంగా ఉండాలని మనసారా కోరుకుంటూ వారి కష్టాలను గురించి రామజోగయ్య గారు హృద్యంగా రాసిన ఒక మంచి పాటను తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో లోడ్ అవని వాళ్ళు ఇక్కడ చూడవచ్చూ.


చిత్రం : ఖైదీ నంబర్ 150 (2017)
సంగీతం : దేవీశ్రీప్రసాద్
సాహిత్యం : రామజోగయ్య శాస్త్రి
గానం : శంకర్ మహదేవన్

నీరు.. నీరు..నీరు
రైతు కంట నీరు
చూడనైన చూడరెవ్వరూ
గుండెలన్ని బీడు
ఆశలన్ని మోడు
ఆదరించు నాథుడెవ్వరూ
అన్నదాత గోడు నింగినంటె నేడు
ఆలకించు వారు ఎవ్వరూ....

నీరు.. నీరు..నీరు
రైతు కంట నీరు
చూడనైన చూడరెవ్వరూ

గొంతు ఎండిపోయే పేగు మండిపోయే
గంగతల్లి జాడ లేదనీ
నీటి పైన ఆశే నీరుగారి పోయే
రాత మారు దారి లేదనీ
దాహం ఆరుతుందా
పైరు పండుతుందా
ధారాలైన కంటి నీటితో

నీరు.. నీరు..నీరు
రైతు కంట నీరు
చూడనైన చూడరెవ్వరూ
గుండెలన్ని బీడు
ఆశలన్ని మోడు
ఆదరించు నాథుడెవ్వరూ

నేల తల్లి నేడు అంగిలారిపోయే
మూగబోయే రైతు నాగలీ
ఆయువంతా చూడూ ఆర్తనాదమాయే
గొంతు కోసుకుంది ఆకలీ..


0 comments:

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail