సోమవారం, సెప్టెంబర్ 08, 2014

కెరటానికి ఆరాటం...

జీవన తీరాలు సినిమా కోసం చక్రవర్తి గారి స్వరకల్పనలో సినారె గారి రచించిన ఈ పాట నాకు చాలా ఇష్టం. మీరూ ఈ పాట విని ఆనందించండి. యూట్యూబ్ యాక్సెస్ లేనివారు ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : జీవన తీరాలు (1977)
సంగీతం : చక్రవర్తి
సాహిత్యం : సి.నారాయణ రెడ్డి
గానం : బాలు, సుశీల

కెరటానికి ఆరాటం.. తీరం చేరాలని..
తీరానికి ఉబలాటం.. ఆ కెరటం కావాలని..
కెరటానికి ఆరాటం.. తీరం చేరాలని..
తీరానికి ఉబలాటం.. ఆ కెరటం కావాలని..
ఎందుకో ఈ ఆరాటం.. అందుకే...
అందుకే.. ఆ ఉబలాటం

కెరటానికి ఆరాటం.. తీరం చేరాలని..

కురులపై మెరిసే చినుకులు.. ఆణిముత్యాలై
తనువుపై కురిసే చినుకులు.. తడితడి ముచ్చటలై
మది లోపలి తెర తీసి... మారాము చేస్తుంటే...
మది లోపలి తెర తీసి... మారాము చేస్తుంటే...
పదునైన కోరిక ఏదో పెదవినే గురి చూస్తుంది..

ఎందుకో ఈ ఆరాటం.. అందుకే...
అందుకే.. ఆ ఉబలాటం

ఏమి వెన్నెల ఎంతకూ మన ఇద్దరి పైనే పడుతున్నది
తనకు దాహం వేసిందేమో.. మనలనల్లరి పెడుతున్నది
ఎంతెంత దగ్గరగా...ఆ... ఇద్దరమూ ఉన్నా...
మరికాస్తా... ఇంకాస్తా.. ఒదిగిపొమ్మని...
మౌనంగా ఉరుముతున్నది... వెన్నెల ఉరుముతున్నది

ఎందుకో ఈ ఆరాటం.. అందుకే...
అందుకే.. ఆ ఉబలాటం 
సరిసా...ఆఆ...

ఇది వసంతమని తెలుసు.. కోయిల పాటలకు
ఇదే మూలమని తెలుసు.. తీయని పంటలకు
లలిత లలిత యువ పవన చలిత పల్లవ దళాలలోనా
రమణీయ కుసుమ రమణీరంజిత నమరగీతిలోనా..
నవనవలాడే అనుభవమేదో.. 
నన్నే అలగా మలచుకున్నది
నన్నే అలగా మలచుకున్నది

అందుకే ఈ ఆరాటం.. ఇందుకే..
ఇందుకే.. ఆ ఉబలాటం...

కెరటానికి ఆరాటం.. అహహ..
తీరం చేరాలని..
తీరానికి ఉబలాటం.. అహహ..
ఆ కెరటం కావాలని..

లలలాలలలా... లాలాలాలాలలాలాలల...
లలలాలలలా... లాలాలాలాలలాలాలల...
లలలాలలలా... లాలాలాలాలలాలాలల...
లలలాలలలా... లాలాలాలాలలాలాలల...


2 comments:

ఈ పాట వింటుంటే అచ్చు బీచ్ వొడ్డున కూర్చున్నట్టే వుంటుంది..ఓ క్షణం శాంత గంభీరం గా.. అంతలోనే ఉవ్వెత్తున యెగిసి పడే కడలి తరంగంలా..యెంతో బావుంటుందీ ట్యూన్..

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail