సోమవారం, సెప్టెంబర్ 22, 2014

ఏమిటిది ఏమిటిది...

బాలు గారు స్వరపరచిన అతికొద్ది సినిమాలలో ఒకటైన "తూర్పు వెళ్ళే రైలు" లో ఒక అందమైన మెలోడీ ఈ రోజు మీకోసం. ఈ సినిమాలో పాటలన్నీ బాగుంటాయి. వాటిలో ప్రత్యేకించి ఈ పాటను సుశీల గారు పాడిన విధానం అద్భుతం. టీనేజ్ లో ఈ పాట వినడం ఒక మధురమైన అనుభూతి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : తూర్పు వెళ్ళే రైలు (1979) 
సంగీతం : బాలు 
సాహిత్యం : ఆరుద్ర 
గానం : సుశీల 
 
ఏమిటిది ఏమిటిదీ ? 
ఏదో తెలియనిదీ.. 
ఎప్పుడూ కలగనిది ఏమిటిది ?
ఏమిటిదీ ? 
ఏమిటిది ఏమిటిదీ ? 
ఏదో తెలియనిది..
ఎప్పుడూ కలగనిది ఏమిటిది ?
ఏమిటిదీ ?

హత్తు కున్న మెత్తదనం 
కొత్త కొత్తగా ఉంది..
మనసంతా మత్తు కమ్మి 
మంతరించినట్లుంది..
నరనరాన మెరుపు తీగె 
నాట్యం చేసేస్తోంది..
నాలో ఒక పూల తేనె నదిలా 
పొంగుతోంది పొంగుతోంది...

ఏమిటిదీ.. ? 
ఏమిటిది ఏమిటిదీ ?

ఈడు జోడు కుదిరింది..
తోడు నీడ దొరికింది..
అందానికి ఈనాడే 
అర్ధం తెలిసొచ్చింది..
పెదవి వెనక చిరునవ్వు 
దోబూచులాడింది..
చిలిపి చిలిపి తలపు 
తలచి సిగ్గు ముంచుకొస్తోంది..

ఏమిటిదీ.. ? 
ఏమిటిది ఏమిటిదీ ?
ఏదో తెలియనిది.. 
ఎప్పుడూ కలగనిది
కలకానిదీ..
ఏమిటిదీ ? 

2 comments:

ఈ పాటలో యేదో మాజిక్ వుందండీ..యెప్పుడు విన్నా మరిచిపోయాననుకున్న యెన్నో సంగతులు మేమున్నామంటూ స్మృతి పధంలో మెదులుతుంటాయి..

ఓహ్ ఇంట్రస్టింగ్ టు నో దట్ శాంతి గారు... థాంక్స్ ఫర్ ద కామెంట్.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail