గురువారం, సెప్టెంబర్ 04, 2014

ఏం సందేహం లేదు...

ఇటీవల విడుదలైన ఊహలు గుసగుసలాడే సినిమాలోని ఈ పాట నాకు చాలా నచ్చింది అందమైన సాహిత్యం దానికి తగిన సంగీతం వీటికి పోటీ పడుతూ తీసిన చిత్రీకరణ అన్నీ కలిసి ఒక మంచి అనుభూతినిచ్చిన పాట. ఈకాలంలో అరుదుగా వినిపించే ఇలాంటి మెలోడీనీ మీరూ వినీ చూసీ ఆస్వాదించండి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : ఊహలు గుసగుసలాడే (2014)
సంగీతం : కళ్యాణి కోడురి 
సాహిత్యం : అనంత్ శ్రీరాం 
గానం : కళ్యాణి కోడూరి, సునీత

ఏం సందేహం లేదు ఆ అందాల నవ్వే 
ఈ సందళ్ళు తెచ్చింది
ఏం సందేహం లేదు ఆ కందేటి సిగ్గే 
ఈ తొందర్లు ఇచ్చింది
ఏం సందేహం లేదు ఆ గంధాల గొంతే 
ఆనందాలు పెంచింది
నిమిషము నేల మీద నిలువని గాలి లాగ 
మది నిను చేరుతోందె చిలకా
తనకొక తోడు లాగ వెనకనె సాగుతోంది 
హృదయము రాసుకున్న లేఖా.ఆఅ..
 
ఏం సందేహం లేదు ఆ అందాల నవ్వే 
ఈ సందళ్ళు తెచ్చింది
ఏం సందేహం లేదు ఆ కందేటి సిగ్గే 
ఈ తొందర్లు ఇచ్చింది
 
వెన్నెల్లో ఉన్నా.. వెచ్చంగా ఉంది.. 
నిన్నే ఊహిస్తుంటే  
ఎందర్లో ఉన్నా.. ఏదోలా ఉంది.. 
నువ్వే గుర్తొస్తుంటే
నా కళ్ళల్లోకొచ్చి నీ కళ్ళాపి జల్లి 

ఓ ముగ్గేసి వెళ్లావే
నిదురిక రాదు అన్న నిజముని మోసుకుంటు 
మది నిను చేరుతుందె చిలకా
తనకొక తోడు లాగ వెనకనె సాగుతుంది 
హృదయము రాసుకున్న లేఖా..ఆఅ..

వెన్నెల్లో ఉన్నా.. వెచ్చంగా ఉంది.. 
నిన్నే ఊహిస్తుంటే  
ఎందర్లో ఉన్నా.. ఏదోలా ఉంది.. 
నువ్వే గుర్తొస్తుంటే 

నీ కొమ్మల్లో గువ్వ ఆ గుమ్మంలోకెళ్ళి 
కూ అంటూంది విన్నావా
నీ మబ్బుల్లో జల్లు ఆ ముంగిట్లో పూలు 
పూయిస్తే చాలన్నావా
ఏమౌతున్నా గానీ ఏమైనా ఐపోనీ 
ఏం ఫరవాలేదన్నావా 

అడుగులు వెయ్యలేక అటు ఇటు తేల్చుకోక 
సతమతమైన గుండె గనుక
అడిగిన దానికింక బదులిక పంపుతుంది 
పదములు లేని మౌన లేఖా..ఆఆ...
మ్.. మ్.. మ్.. మ్.. మ్.. మ్.. 

 

2 comments:

ఈ మధ్య టీవి లో వస్తే మీ రికమండేషన్ కూడా స్ట్రాంగ్ గా ఉండబట్టి ఈ మూవీ చూశానండీ..నిజంగా చాలా నచ్చింది..థాంక్యూ..

సినిమా నచ్చిందని చెప్పినందుకు సంతోషం శాంతి గారు. థాంక్స్.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail