శనివారం, సెప్టెంబర్ 27, 2014

శివ మనోరంజని...

శరన్నవరాత్రులలో ఈ రోజు అమ్మవారు సకల వేదస్వరూపిణి అయిన గాయత్రీ దేవి అవతారంలో దర్శనమిస్తారు. కొబ్బరి పాయసం లేదా కొబ్బరి అన్నం నైవేద్యంగా సమర్పించాలని అంటారు. ఈ సందర్బంగా గాయత్రీ మాత శ్లోకాన్ని విందామా. 'రహస్యం' సినిమాలో ఎస్వీరంగారావు గారి అభినయంలో ఘంటసాల గారి గాత్రంలో ఉన్న ఈ శ్లోకం వినడానికి చూడడానికి కూడా అద్భుతంగా ఉంటుంది.


ముక్తా విద్రుమ హేమ నీల ధవళచ్చాయైర్ముఖై స్త్రీక్షణైః
యుక్తామిందునిభద్దరత్నముకుటాం తత్వార్ధవర్ణాత్మికాం
గాయత్రీం వరదా భయాంకుశ కశా శ్శుభ్రం కపాలం గదాం
శంఖంచక్రమథారవింద యుగళం హస్తైర్వహంతీం భజే
గాయత్రీం భజే...
 
~*~*~*~*~*~*~*~

అలాగే బాలమురళీకృష్ణ గారి గాత్రంలో 'శివ మనోరంజని' అనే ఈ చక్కని పాటను కూడా తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : పేదరాశి పెద్దమ్మ కథ (1968)
సంగీతం : ఎస్పీ కోదండపాణి
సాహిత్యం : చిల్లర భావనారాయణరావు 
గానం : బాలమురళీ కృష్ణ గారు 
 
శివ మనోరంజని 
వరపాణీ సర్వరాణీ 
కనవే జననీ కృప బూనీ
 ఆఆఆఆఆ....
శివ మనోరంజని 
వరపాణీ సర్వరాణీ 
కనవే జననీ కృప బూనీ

కవికే కనరాని కాంతివి నీవై 
కవికే కనరాని కాంతివి నీవై 

శ్రుతిలో లయగా సాగే సతివై 
శ్రుతిలో లయగా సాగే సతివై 
అభినయ శిల్పాల అలరే కళవై 
 అభినయ శిల్పాల అలరే కళవై 
సరస రసిక జన హృదయ కమలముల 
వెలుగు కిరణముగ తళుకులొలికితివి 

శివ మనోరంజని  

మెరసే జలదాల మేదుర నాదం
మెరసే జలదాల మేదుర నాదం 
రథమయ్యెను రారమ్మా అమ్మా అమ్మా
మెరసే జలదాల మేదుర నాదం 
రథమయ్యెను రారమ్మా అమ్మా అమ్మా

సలలిత గాంధర్వ వరగానమునా 
సలలిత గాంధర్వ వరగానమునా 

రజితగిరి శిఖరి చలన
చరణ ఝణ ఝణిత ప్రణవ 
నటనముల సలుపుమిట 

శివ మనోరంజని 
శివ మనోరంజని
 శివ మనోరంజని 
 

2 comments:

బాలమురళీకృష్ణగారి పాట వింటుంటే, అమ్మవారిని కళ్ళారా చూసినట్టే వుందండీ..

నిజమండీ ఆయన స్వరంలోని మహిమ అలాంటిది. థాంక్స్ ఎ లాట్ ఫర్ ద కామెంట్ :)

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail