మంగళవారం, జూన్ 10, 2014

నెలరాజా పరుగిడకు...

గిటార్ తో ఇళయరాజా చేసిన మ్యాజిక్ చూడాలంటే ఈ పాట వినాల్సిందే... తెలుగులో కన్నా తమిళంలో (ఇళయ నిలా) ఎక్కువ ప్రాచుర్యం పొందిన ఈ పాటలోని గిటార్ ఇంటర్ల్యూడ్స్ చాలా మంది కుర్రకారుని గిటార్ నేర్చుకునేందుకు ప్రోత్సహించి ఉంటాయి ఆ రోజుల్లో. ఈ పాట ప్రేరణతోనే హిందీలో "నీలెనీలె అంబర్ పర్ " పాట కూడా కంపోజ్ చేశారు.

ఇప్పటికీ ఈ చక్కని మెలోడీ వింటూంటే మనసును ఊయలలూపేస్తుంది. నాకు ఈ పాట ఎంత ఇష్టమంటే ఎప్పుడు ఏ భాషలో వినిపించినా పూర్తిగా విని కానీ ముందుకు కదలలేను. ఈ చక్కని పాట మీరూ చూసీ వినీ ఆస్వాదించండి. ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 



చిత్రం : అమరగీతం (1982)
సంగీతం : ఇళయరాజా
సాహిత్యం : వేటూరి 
గానం : బాలు

నెలరాజా పరుగిడకు
చెలివేచే నాకొరకు
ఒక్కమారు పోయి
చెలినిగాంచుమా
నివేదించుమా విరహమే 

నెలరాజా పరుగిడకు
చెలివేచే నాకొరకు
ఒక్కమారు పోయి
చెలినిగాంచుమా
నివేదించుమా విరహమే
నెలరాజా పరుగిడకు
చెలివేచే నాకొరకు

మబ్బులలో తళుకుమనే మెరుపేలే చెలి అందం
ముచ్చటగా ముత్యం లా మెరిసిపడే సఖి పరువం
మబ్బులలో తళుకుమనే మెరుపేలే చెలి అందం
ముచ్చటగా ముత్యం లా మెరిసిపడే సఖి పరువం
వాడిపోనిదీ వనిత యవ్వనం
ఆడిపాడితే కనుల నందనం
అణువణువు విరిసేలే లావణ్యం

నెలరాజా పరుగిడకు
ఒక్కమారు పోయి
చెలినిగాంచుమా
నివేదించుమా విరహమే
నెలరాజా పరుగిడకు 

ముంగిటనే రాచిలుకా పలికేనూ స్వాగతము
మురిపెంగా తమ రాకా నా చెలితో తెలిపేనూ
ముంగిటనే రాచిలుకా పలికేనూ స్వాగతము
మురిపెంగా తమ రాకా నా చెలితో తెలిపేనూ
కొండవాగులా మల్లెతీగలా
పులకరించినా సన్నజాజిలా
విరహిణిలా వేచేను జవరాలే

నెలరాజా పరుగిడకు
చెలివేచే నాకొరకు
ఒక్కమారు పోయి
చెలినిగాంచుమా
నివేదించుమా విరహమే 
నెలరాజా పరుగిడకు


2 comments:

మెలొడీ పరంగా రెండు సాంగ్స్ చలా బావున్నా, పర్సనల్ గా నాకు "నీలె నీల్ అంబర్ పర్" పాట చాలా ఇష్టం వేణూజీ..

థాంక్స్ శాంతి గారు నాకు తమిళ్/తెలుగు వర్షన్సే ఎక్కువిష్టం.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail