శుక్రవారం, మే 02, 2014

ఓసి మనసా నీకు తెలుసా...

నేటి సిద్దార్ధ చిత్రంలో నాకు నచ్చిన ఓ మంచి మెలోడీ... లక్ష్మీకాంత్ ప్యారేలాల్ సంగీతం కావడంతో, తొంభైలలో హిందీ చిత్రసీమలో అపుడపుడే ఫేమస్ అవుతున్న ఝంకార్ బీట్స్ తరహా గోల కాస్త మధ్యమధ్యలో మెరిసి మాయమయినా ఓవరాల్ గా పాట వినడానికి బాగుంటుంది. మీరూ చూసి విని ఆస్వాదించండి. ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. 



చిత్రం : నేటి సిధ్ధార్థ (1990)
సంగీతం : లక్ష్మీకాంత్-ప్యారేలాల్
సాహిత్యం : వేటూరి
గానం : బాలు, జానకి

ఆ ఆ ఆ...
ఓ ఓ ఆ ఆ లలల లాలల లాలలా....
ఓసి మనసా... నీకు తెలుసా...
మూగకనులా... ఈ గుసగుసా...
ఎదలోయల్లోన సాగింది కొత్త తాకిడి
తనువంతా వేణువూదింది కన్నె ఊపిరి
ఈ లావాదేవీ ఏనాటిదీ
ఓఓ హో హో ....

ఓసి వయసా ... ఇంత అలుసా.....
నీకు తగునా.... ఈ గుసగుసా.....
మరుమల్లెల్లోన పుట్టింది కొత్త ఆవిరి
మసకేసే ముందే సాగిందీ గుండె దోపిడి
ఈ గిల్లీకజ్జా ఏనాటిదీ ...ఓహొహో హో....

ఓసి మనసా... నీకు తెలుసా....

నింగీ నేలా వంగీపొంగీ సయ్యాటాడే ఎందుకోసమో
చూపులో సూర్యుడే పండినా సందెలో
కొండాకోనా వాగూవంకా తుళ్ళింతాడే ఎంత మోహమో
ఏటిలో వీణలే పాడినా చిందులో
తొలిగా గిలిగిలిగా అలిగే వేళలో
కసి తుమ్మెదొచ్చి వాలింది గుమ్మ తేనెకే
సిరితీగ పాప ఉగేది తీపి కాటుకే
అహా ప్రేమో ఏమో ఈలాహిరీ... ఓహొహో హో..హహహ..

ఓసి వయసా ... ఇంత అలుసా.....

తుళ్ళి తుళ్ళి తూనీగాడె పూతీగల్లో ఎందుకోసమో
గాలిలో ఈలలా పూలలో తావిలా
హొయ్ మల్లీ జాజీ మందారాల పుప్పొళ్ళాడే ఏమి మాసమో
కొమ్మలో కోయిలా రాగమే తీయగా
ఒడిలో అలజడులే పెరిగే వేళలో
కనుపాపలాడుకుంటాయి కౌగిలింతల్లో
చిరునిద్దరైన పోవాలి కొత్త చింతల్లో
ఈడొచ్చాకా ఇంతేమరీ.. ఆహహాహా..హహహ...

ఓసి మనసా .... నీకు తెలుసా....హో
నీకు తగునా.... ఈ గుసగుసా.....
ఎదలోయల్లోన సాగింది కొత్త తాకిడి
మసకేసే ముందే సాగిందీ గుండె దోపిడి
ఈ లావాదేవీ ఏనాటిదీ
ఓహొహో హో.....

ఓసి వయసా ... ఇంత అలుసా...
ఓసి మనసా .... నీకు తెలుసా.... 
 

2 comments:

విత్ డ్యూ రెస్పెక్ట్స్ టు లక్ష్మీకాంత్-ప్యారేలాల్..ఈ పాట యెప్పుడు విన్నా, తెలుగు లోకి డబ్ అయిన హింది పాట వింటున్నట్టుంటుంది వేణుగారూ...

నేనన్న ఆ ఝంకార్ బీట్స్ వలనే అలా అనిపిస్తూండి ఉండవచ్చు శాంతి గారు. థాంక్స్ ఫర్ ద కామెంట్.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail