శుక్రవారం, మే 09, 2014

చిన్ని తండ్రీ నిను చూడగా...

అమ్మకి పాపాయి ఎంత అపురూపమో చెప్తూ అమ్మ ప్రేమను చక్కగా కళ్లముందుంచే ఈ పాట నా ఆల్ టైమ్ ఫేవరెట్. మీరూ చూసీ వినీ ఆస్వాదించండి.. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : సిసింద్రీ (1995)
సంగీతం : రాజ్
సాహిత్యం : సిరివెన్నెల
గానం : స్వర్ణలత 

చిన్నితండ్రీ నిను చూడగా వేయి కళ్ళైన సరిపోవురా
అన్ని కళ్ళు చూస్తుండగా నీకు దిష్టెంత తగిలేను రా
అందుకే అమ్మ ఒడిలోనే దాగుండిపోరా

చిన్నితండ్రీ నిను చూడగా వేయి కళ్ళైన సరిపోవురా 

ఏ చోట నిమిషం కూడా ఉండలేడు
చిన్నారి సిసింద్రీలా చిందు చూడు
పిలిచినా పలకడూ వెతికినా దొరకడు
మా మద్య వెలిసాడు ఆ జాబిలి
ముంగిట్లో నిలిపాడు దీపావళి
నిలిచుండాలి కలకాలము ఈ సంబరాలు   


చిన్నితండ్రీ నిను చూడగా వేయి కళ్ళైన సరిపోవురా
అన్ని కళ్ళు చూస్తుండగా నీకు దిష్టెంత తగిలేను రా 

ఆ మువ్వగోపాలుళ్ళా తిరుగుతుంటే
ఆ నవ్వే పిల్లంగ్రోవై మోగుతుంటే
మనసున నందనం విరియదా ప్రతి క్షణం
మా కంటి వెలుగులే హరివిల్లుగా
మా ఇంటి గడపలే రేపల్లెగా
మా ఈ చిన్ని రాజ్యానికి యువరాజు వీడు

చందమామ చుసావటోయ్ అచ్చం నీలాంటి మా బాబుని
నేల అద్దాన నీ బింబమై పారాడుతుంటే
చందమామ చుసావటోయ్ అచ్చం నీలాంటి మా బాబుని 

2 comments:

మీ చిన్ని కన్నయ్యలు చాలా బావున్నారు వేణూజీ..

నచ్చినందుకు సంతోషం శాంతి గారు, థాంక్స్ ఫర్ ద కామెంట్.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail