నీ పరిచయముతో...

చూసీ చూడంగానే చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : చూసీ చూడంగానే (2019)

సంగీతం : గోపీ సుందర్

సాహిత్యం : అనంత్ శ్రీరామ్ 

గానం : సిద్ శ్రీరామ్

నీ పరిచయముతో

నా మదిని గెలిచా

నీ పలకరింపుతో

నా దిశను మార్చినా

అడుగు నీతో కలిపి

అలసటలెన్నో మరిచా

నలుగురితో నేనున్నా

విడిపడి నీకై నడిచా

నీ పరిచయముతో

నా మదిని గెలిచా

ఏ గతము ఎదురవదిక

నీ తలపే జతపడితే

ఏ గురుతు నిలబడదిక

నీ పిలుపే వినపడితే

నాలోని లోతు చూపిన

నీ పరిచయముతో

నిలువునా నే వెలిగి

వెలుగులలో నే మునిగా

పదనిసలేవో తడిమి

పరవశమై పైకెగిరా

నీ చెలిమే ప్రతిక్షణముని

నా వరకు నడిపినది

నీ మహిమే ప్రతి మలుపుని

తీరముగ మలిచినది

నాలోని నన్ను చేర్చిన

నీ పరిచయముతో

నీ పరిచయముతో

నా కలని కలిసా

నీ వెలుగు వానలో

నే తడిసి పోయినా

అడుగు నీతో కలిపి

అలసటలెన్నో మరిచా

నలుగురితో నేనున్నా

విడిపడి నీకై నడిచా

చివరి దాకా నిలిచే

హృదయమునే నే కలిసా

చెరగని ప్రేమై మిగిలే

మనసుని నేనై మురిసా

 

Posted in: అనంత శ్రీరాం,గోపీసుందర్,సిద్ శ్రీరామ్