శుక్రవారం, సెప్టెంబర్ 28, 2018

హాయిగా ఆలూమగలై....

మాంగల్యబలం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : మాంగల్య బలం (1958)
సంగీతం : మాస్టర్ వేణు
సాహిత్యం : శ్రీశ్రీ
గానం : సుశీల, సరోజిని

హాయిగా ఆలూమగలై కాలం గడపాలి
హాయిగా ఆలూమగలై కాలం గడపాలి
వేయేళ్ళు మీరనుకూలంగా ఒకటై బ్రతకాలీ
హాయిగా.. చేయి చేయిగా
ఆలుమగలై కాలం గడపాలి


సతిధర్మం పతి సేవేయని పతి భక్తిని చూపాలి
అనుదినము అత్తమామల పరిచర్యలనే చేయాలి
పతి ఇంట్లో బంధు జనాల అభిమానం పొందాలి
పతి ఇంట్లో బంధు జనాల అభిమానం పొందాలి
పదిమంది నీ సుగుణాలే పలుమార్లు పొగడాలి

హాయిగా ఆలూమగలై కాలం గడపాలి


ఇల్లాలే ఇంటికి వెలుగని ఎల్లప్పుడు తెలియాలి
సంసారపు బండికి మీరే చక్రాలై తిరగాలి
శరీరాలు వేరే కానీ మనసొకటై మసలాలి
శరీరాలు వేరే కానీ మనసొకటై మసలాలి
సుఖమైనా కష్టమైనా సగపాలుగా మెలగాలి

హాయిగా చేయి చేయిగా అలుమగలై కాలం గడపాలి
వేయేళ్ళు మీరనుకూలంగా ఒకటై బ్రతకాలీ
హాయిగా ఆలూమగలై కాలం గడపాలి


ఇరుగమ్మలు పొరుగమ్మలతో ఇంటి సంగతులు అనవద్దు
చీరలు నగలిమ్మని భర్తను చీటికి మాటికి అడగద్దు
అత్తింటను అదిరిపాటుతో పుట్టింటిని పొగడద్దు
అత్తింటను అదిరిపాటుతో పుట్టింటిని పొగడద్దు
తరుణం దొరికిందే చాలని తలగడ మంత్రం చదవద్దు.

హాయిగా చేయి చేయిగా అలుమగలై కాలం గడపాలి
వేయేళ్ళు మీరనుకూలంగా ఒకటై బ్రతకాలీ
హాయిగా ఆలూమగలై కాలం గడపాలి
వేయేళ్ళు మీరనుకూలంగా ఒకటై బ్రతకాలీ
హాయిగా ఆలూమగలై కాలం గడపాలి  

 

2 comments:

క్యూట్ సాంగ్..

థాంక్స్ ఫర్ ద కామెంట్ శాంతి గారు..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.