శుక్రవారం, సెప్టెంబర్ 21, 2018

పదహారణాల పడుచు...

లైలా మజ్ను చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : లైలా మజ్ను (2007)
సంగీతం : ఎమ్.ఎమ్.శ్రీలేఖా
సాహిత్యం : వేటూరి
గానం : వేణు, గంగ, రమణ, స్రుజన

మల్లెల్ని మాలకట్టి వేశారు అచ్చచ్చో
మందార బుగ్గ గిచ్చచ్చో
అందాల బొమ్మ మనువాడే
సీతమ్మను రామయ్య నచ్చచ్చో
కళ్యాణ తిలకం దిద్దేచ్చో..


పదహారణాల పడుచు వన్నెలు
పదిలంగానే దాచుకున్న
ఈ పెళ్ళికూతురు సిగ్గు చిలకరయ్యో
నవనవలాడే నవమన్మధుడే
మిల మిల మెరిసే మగమహరాజు
చుక్కపెట్టినా చందమామరయ్యో

మహ ముద్దు ముద్దుగుందీ
కనువిందు చేసెనెండీ
ఇది పెళ్ళి పందిరండీ
అనురాగం పలికిన వేడుకలండీ

పదహారణాల పడుచు వన్నెలు
పదిలంగానే దాచుకున్న
ఈ పెళ్ళికూతురు సిగ్గు చిలకరయ్యో

యవ్వనాల ఏరువాకలో
వెన్నపూస రాసలీలలు
కన్నెమనసు కాజేస్తావా కొంటె కృష్ణుడా

చందనాల చూపు రువ్వుతూ
బంధనాల మాలలల్లుతూ
చల్ల ముంత దాచేస్తావా తీపి గోపికా
నల్లనయ్య నీ వేషాలూ
చెల్లవయ్య నీ మోసాలు
మంత్రమేసె నీ మాయ చాలు మురారి

తెచ్చుకున్న ఈ రోషాలు
తెలుసుకున్నవే పాఠాలు
తెల్లవారితే చీకటల్లె పరారీ
తలుపే తెరిచా నిను కోరి

ముత్యమంటి వన్నె చిన్నెలూ
ముద్దబంతి మూతి ముడుపులు
మూగమనసు సైగలు ఊగే రాగడోలికా
మేలుకోని మౌన వీణని
మీటలేవు కుర్ర ఊహలూ
ఆశపడిన ఆరాటాలా తీగలాగకా

అల్లరెందుకే అమ్మాయి
పుల్ల విరుపులే మానేయి
పిల్లగాలి మోగించనీ సన్నాయి
మెల్ల మెల్లగా అబ్బాయి
ముద్దు ముద్దుకీ కొత్తోయి
ముగ్గులోకి నను దించలేవు పోవోయి
చిలకే చెబితే వినవోయి..


పదహారణాల పడుచు వన్నెలు
పదిలంగానే దాచుకున్న
ఈ పెళ్ళికూతురు సిగ్గు చిలకరయ్యో
నవనవలాడే నవమన్మధుడే
మిల మిల మెరిసే మగమహరాజు
చుక్కపెట్టినా చందమామరయ్యో

మహ ముద్దు ముద్దుగుందీ
కనువిందు చేసెనెండీ
ఇది పెళ్ళి పందిరండీ
అనురాగం పలికిన వేడుకలండీ 


2 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.