పెళ్ళి చేసుకుని...

పెళ్ళి చేసి చూడు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : పెళ్ళిచేసి చూడు (1952)

సంగీతం : ఘంటసాల  

సాహిత్యం : పింగళి   

గానం : ఘంటసాల 

ఓ భావి భారత భాగ్య విధాతలార

యువతీ యువకులారా

స్వానుభవమున చాటు

నా సందేశమిదే.. 

వరేవ్వా తాధిన్న తకధిన్న తాంగిట తరికిట తరికిట తోం

పెళ్ళి చేసుకొని ఇల్లు చూసుకొని

చల్లగ కాలం గడపాలోయ్

ఎల్లరు సుఖము చూడాలోయ్

మీరెల్లరు హాయిగ ఉండాలోయ్

కట్నాల మోజులో మన జీవితాలనె బలి చేసి

కాపురములు కూల్చు ఘనులకు శాస్తి కాగా

పట్నాల పల్లెల దేశ దేశాల మన పేరు

చెప్పుకొని ప్రజలు సుఖ పడగా

తాధిన్న తకధిన్న తాంగిట తరికిట తరికిట తోం

ఇంట బయట జంట కవుల వలె

అంటుకు తిరగాలోయ్ తరంపం

ఇంట బయట జంట కవుల వలె

అంటుకు తిరగాలోయ్

కంటి పాపలై దంపతులెపుడు

చంటి పాపలను సాకాలోయ్

కంటి పాపలై దంపతులెపుడు

చంటి పాపలను సాకాలోయ్ 

 

పెళ్ళి చేసుకొని ఇల్లు చూసుకొని

చల్లగ కాలం గడపాలోయ్

ఎల్లరు సుఖము చూడాలోయ్

మీరెల్లరు హాయిగ ఉండాలోయ్

నవ భావములా నవ రాగములా

నవ జీవనమే నడపాలోయ్

నవ భావములా నవ రాగములా

నవ జీవనమె నడపాలోయ్

భావ కవుల వలె ఎవరికి తెలియని

ఏవో పాటలు పాడాలోయ్

భావ కవుల వలె ఎవరికి తెలియని

ఏవో పాటలు పాడాలోయ్

పెళ్ళి చేసుకొని...

పెళ్ళి చేసుకొని ఇల్లు చూసుకొని

చల్లగ కాలం గడపాలోయ్

ఎల్లరు సుఖము చూడాలోయ్

మీరెల్లరు హాయిగ ఉండాలోయ్

హాయిగా ఉండాలోయ్..

Posted in: ఘంటసాల,పింగళి