ఓ మనసా చేరువగా...

ఒక మనసు చిత్రం కోసం శ్రేయ ఘోషల్ అద్భుతంగా గానం చేసిన ఒక పాటను ఈ రోజు తలచుకుందాం.  ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో లోడ్ అవని వాళ్ళు ఇక్కడ చూడవచ్చు.

చిత్రం : ఒక మనసు (2016)

సంగీతం : సునీల్ కశ్యప్

సాహిత్యం : రామజోగయ్య శాస్త్రి

గానం : శ్రేయ ఘోషల్

ఓ మనసా చేరువగా .. రా ఇలా
నను నీలో ఆపుతూ
వెళ్లిపొమ్మని తరిమేస్తావేలా
ఓ మనసా చేరువగా రా ఇలా

ఓ .. కాలాల చూపుసోకి వేరొక రూపులోకి
నాలోని ప్రేమరంగు మారిపోదుగా
నువ్వెంటో తెలిసినాక ఇందాక వచ్చినాక
నీ జంట జాడ తప్ప దారి లేదుగా

ఓ మనసా చేరువగా .. రా ఇలా
నను నీలో ఆపుతూ
వెళ్లిపొమ్మని తరిమేస్తావేలా
ఓ మనసా చేరువగా .. రా ఇలా

ఊహించనేలేనే ఉండనేలేనే
నువ్వు లేనిదే నేనెలా
నీతోనే నీలోనే కలిపేశా నన్నే
పో పొమ్మనీ అనకలా
ఏనాడో నువు కూడా నేనయ్యావుగా
నిను నువ్వే కాదని వెలివేసే వీలంటూ ఉందా

ఓ మనసా చేరువగా .. రా ఇలా

వద్దన్నానని వద్దకొచ్చాను
ఈ జీవితం నీదని
చేరాను నా తీరం మూసేసా ద్వారం
నా మాటనే విననని
ఒక జననం ఒకటేనా ప్రేమకు
తుదివరకూ నీ కలే
మరణము దరి రాదంటా తనకు

ఓ మనసా చేరువగా .. రా ఇలా
ఓ .. కాలాల చూపుసోకి వేరొక రూపులోకి
నాలోని ప్రేమరంగు మారిపోదుగా
నువ్వెంటో తెలిసినాక ఇందాక వచ్చినాక
నీ జంట జాడ తప్ప దారి లేదుగా
ఓ మనసా చేరువగా .. రా ఇలా

Posted in: రామజోగయ్య శాస్త్రి,శ్రేయ ఘోషల్,సునీల్ కశ్యప్