ఆదివారం, జులై 06, 2014

అందానికి అందం...

సిరిసిరిమువ్వ సినిమాలోని ఓ అందమైన పాట ఈరోజు మీకోసం. ఇందులో వేటూరి గారి సాహిత్యం నాకు బాగా నచ్చుతుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేయవచ్చు.



చిత్రం : సిరిసిరిమువ్వ (1976)
సంగీతం : కె.వి.మహదేవన్
సాహిత్యం : వేటూరి
గానం : ఎస్.పి.బాలసుబ్రహ్మణ్యం

అందానికి అందం ఈ పుత్తడిబొమ్మా
అందరికీ అందనిదీ పూచిన కొమ్మా

పుత్తడిబొమ్మా... పూచిన కొమ్మా... ఆఆఆ...

పలకమన్న పలకదీ పంచదార చిలక
కులుకే సింగారమైన కొలసిగ్గుల మొలక
పలకమన్న పలకదీ పంచదార చిలక
కులుకే సింగారమైన కొలసిగ్గుల మొలక
ఎదకన్నా లోతుగా పదిలంగా దాచుకో
ఎదకన్నా లోతుగా పదిలంగా దాచుకో
నిదురించే పెదవిలో పదముందీ పాడుకో 

పుత్తడిబొమ్మా... పూచిన కొమ్మా...
అందానికి అందం ఈ పుత్తడిబొమ్మా
అందరికీ అందనిదీ పూచిన కొమ్మా 
 
ఆ రాణి పాదాల పారాణి జిలుగులో
నీ రాజభోగాలు పాడనీ తెలుగులో
ఆ రాణి పాదాల పారాణి జిలుగులో
నీ రాజభోగాలు పాడనీ తెలుగులో
ముడివేసిన కొంగునే గుడి వుంది తెలుసుకో
ముడివేసిన కొంగునే గుడి వుంది తెలుసుకో
గుడిలోని దేవతని గుండెలో కలుసుకో

పుత్తడిబొమ్మా... పూచిన కొమ్మా...
అందానికి అందం ఈ పుత్తడిబొమ్మా
అందరికీ అందనిదీ పూచిన కొమ్మా

వచనం: ఈ జన్మకింతే ఇలా పాడుకుంటాను
ముందు జన్మ వుంటే ఆకాలి మువ్వనై పుడతాను

పుత్తడిబొమ్మా... పూచిన కొమ్మా... ఆ... 


2 comments:

అదుకేనేమో స్త్రీ సౌందర్యానికి నిర్వచనం జయప్రదేనని సత్యజిత్ రే వంటి వారు కూడా ఒప్పుకోక తప్పలేదు మరి..

ఓహ్ ఆ విషయం నాకు తెలియదండీ... థాంక్స్ ఫర్ ద ఇన్ఫర్మేషన్ :-)

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail