బుధవారం, జులై 30, 2014

నా జీవన బృందావనిలో...

చక్రవర్తి గారు స్వరపరచిన పాటలలో కొన్ని కొన్ని పాటలు చాలా బాగుంటాయి, అలాంటి మధురగీతాలలో ఒకటి బుర్రిపాలెం బుల్లోడు సినిమా కోసం చేసిన ఈ పాట. కృష్ణ గారి పాటలలో ఎక్కువ నవ్వకుండా చూడగలిగిన పాట ఎందుకంటే దర్శకుడు చాలా తెలివిగా డాన్స్ బాధ్యత అంతా శ్రీదేవికి అప్పగించేసి కృష్ణ గారిని జస్ట్ నిలబెట్టేసి చిత్రీకరించేశారు. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.



చిత్రం : బుర్రిపాలెం బుల్లోడు(1979)
సంగీతం : చక్రవర్తి
సాహిత్యం : వేటూరి 
గానం : బాలు, సుశీల

నా జీవన బృందావని లో ఆమని ఉదయంలో
నిన్ను చూసిన తొలి ఆశలు విరబూసిన సమయంలో
నా జీవన బృందావని లో ఆమని ఉదయంలో
నిన్ను చూసిన తొలి ఆశలు విరబూసిన సమయంలో
కనిపించె నీలో కళ్యాణ తిలకం
వినిపించె నాలో కళ్యాణి రాగం
ఏనాటిదో ఈ రాగమూ ఏ జన్మదో ఈ బంధమూ
ఏనాటిదో ఈ రాగమూ ఏ జన్మదో ఈ బంధమూ

నీవు నన్ను తాకిన చోట పులకరింత పువ్వవుతుంటే..
మేను మేను సోకిన పాటా వేణు గానమైపోతుంటే..
నీవు నన్ను తాకిన చోట పులకరింత పువ్వవుతుంటే..
మేను మేను సోకిన పాటా వేణు గానమైపోతుంటే..
మనసులో మధుర వయసు లో యమున కలిసి జంటగా సాగనీ..
మన యవ్వనాల నవ నందనాల మధు మాస మధువులే పొంగనీ..
ముద్దు ముద్దులడిగిన వేళా నెమలి ఆట ఆడనీ..
ముద్దు ముద్దులడిగిన వేళా నెమలి ఆట ఆడనీ..
ఇదే రాసలీలా ఇదే రాగ డోలా
ఇదే రాసలీలా ఇదే రాగ డోలా

నా జీవన బృందావని లో ఆమని ఉదయంలో
నిన్ను చూసిన తొలి ఆశలు విరబూసిన సమయంలో
నా జీవన బృందావని లో ఆమని ఉదయంలో
నిన్ను చూసిన తొలి ఆశలు విరబూసిన సమయంలో
నా ప్రాణమంతా నీ వేణువాయే
పులకింతలన్నీ నీ పూజ లాయే
యేయోగమో ఈ రాగమూ ఏ జన్మదో ఈ బంధమూ
యేయోగమో ఈ రాగమూ ఏ జన్మదో ఈ బంధమూ

ఇంద్రధనసు పల్లకీలో..చంద్రుడల్లె నువ్వొస్తుంటే..
నల్ల మబ్బు కాళ్ళు కడిగీ మెరుపు కొంగు ముడిపెడుతుంటే..
ఇంద్రధనసు పల్లకీలో..చంద్రుడల్లె నువ్వొస్తుంటే..
నల్ల మబ్బు కాళ్ళు కడిగీ మెరుపు కొంగు ముడిపెడుతుంటే..
రాగలహరి అనురాగ నగరి రస రాజధాని నను చేరనీ
శృంగార రాజ్య సౌందర్య రాణి పద రేణువై చెలరేగనీ
నింగి నేల కలిసిన చోటా నిన్ను నేను పొందనీ
నింగి నేల కలిసిన చోటా నిన్ను నేను పొందనీ
అదే రాసలీలా అదే రాగ డోలా
అదే రాసలీలా అదే రాగ డోలా


2 comments:

పాటలోనూ..పిక్ లోనూ..అమ్మయిలు అదరహోనండీ..

హహహ థాంక్స్ శాంతి గారు :-)

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail