శుక్రవారం, జులై 05, 2019

కనరాని దేవుడే...

రంగుల రాట్నం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : రంగుల రాట్నం (1967)
సంగీతం : ఎస్.రాజేశ్వరరావు /బి.గోపాలం
సాహిత్యం : దాశరథి
గానం : పి.సుశీల
 
కనరాని దేవుడే కనిపించినాడే
కనిపించి అంతలో కన్నుమరుగాయె
కన్నుమరుగాయె
కనరాని దేవుడే కనిపించినాడే

ఆ ఆ ఆ
ఆ ఆ ఆ

అల నీలిగగనాన వెలిగె నీ రూపు
అల నీలిగగనాన వెలిగె నీ రూపు
ఆనందభాష్పాల మునిగె నా చూపు
మనసార నిను చూడలేనైతి స్వామీ
కరుణించి ఒకసారి కనిపించవేమీ

ఆ ఆ ఆ
ఆ ఆ ఆ
 
అందాల కన్నయ్య కనిపించగానే
బృందావనమెల్ల పులకించి పోయే
యమునమ్మ కెరటాల నెలరాజు నవ్వె
నవ్వులో రాధమ్మ స్నానాలు చేసే

ఆ ఆ ఆ
ఆ ఆ ఆ

వలపుతో పెనవేయు పారిజాతమునై
వలపుతో పెనవేయు పారిజాతమునై
ఎదమీద నిదురించు అడియాశ లేదు
గడ్డిలో విరబూయు కన్నె కుసుమమునై
నీ చరణ కమలాల.. నలిగిపోనీవా

ఆ ఆ ఆ
ఆ ఆ ఆ

కనరాని దేవుడే కనిపించినాడే
కనిపించి అంతలో కన్నుమరుగాయె
కన్నుమరుగాయె


2 comments:

ఈ మూవీ యెప్పుడు వచ్చినా మిస్ కాకుండా చూస్తాము..

ఓహ్ అవునా.. థాంక్స్ ఫర్ ద కామెంట్ శాంతి గారు.

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.