శుక్రవారం, జులై 19, 2019

చిటాపటా చినుకులతో...

అక్కాచెల్లెలు చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : అక్కాచెల్లెలు (1970)
సంగీతం : కె.వి.మహదేవన్ 
సాహిత్యం : ఆచార్య ఆత్రేయ
గానం : ఘంటసాల, పి.సుశీల

చిటాపటా చినుకులతో
కురిసింది వాన మెరిసింది జాణ
చిటాపటా చినుకులతో
కురిసింది వాన మెరిసింది జాణ
చిటాపటా చినుకులతో

తళాతళా మెరుపులతో
మెరిసింది పైన ఉరిమింది లోన
తళాతళా మెరుపులతో
మెరిసింది పైన ఉరిమింది లోన
తళాతళా మెరుపులతో

వచ్చే వచ్చే వానజల్లు వచ్చే వచ్చే వానజల్లు
జల్లు కాదది పొంగివచ్చు పడుచుదనం వరదలే అది
జల్లు కాదది పొంగివచ్చు పడుచుదనం వరదలే అది
వరద కాదది ఆగలేని చిలిపితనం వాగులే అది
నీ వేగమే ఇది

కురిసింది వాన మెరిసింది జాణ
చిటాపటా చినుకులతో
కురిసింది వాన మెరిసింది జాణ
చిటాపటా చినుకులతో

నల్లమబ్బు తెల్లమబ్బు ముద్దులాడుకున్నవి
చుక్కలన్ని చీకట్ల ముసుగు కప్పుకున్నవి
నల్లమబ్బు తెల్లమబ్బు ముద్దులాడుకున్నవి
చుక్కలన్ని చీకట్ల ముసుగు కప్పుకున్నవి
ఉల్లిపొర చీర తడిసి ఒంటికంటుకున్నది
ఉల్లిపొర చీర తడిసి ఒంటికంటుకున్నది

తళాతళా మెరుపులతో
మెరిసింది పైన ఉరిమింది లోన
తళాతళా మెరుపులతో

మెరిసె మెరిసె రెండు కళ్లు
మెరిసె మెరిసె రెండు కళ్లు
కళ్లు కావవి మనసులోకి తెరిచిన వాకిళ్ళులే అవి
కళ్లు కావవి మనసులోకి తెరిచిన వాకిళ్ళులే అవి
వాకిళ్ళు కావవి వలపు తేనెలూరే రసగుళ్లులే అవి
సెలయేళ్లులే ఇవి

మెరిసింది పైన ఉరిమింది లోన
తళాతళా మెరుపులతో
మెరిసింది పైన ఉరిమింది లోన
చిటాపటా చినుకులతో
కురిసింది వాన మెరిసింది జాణ
చిటాపటా చినుకులతో
 

2 comments:

కృష్ణగారిలో యెట్రాక్షన్ ఆయన అందం తో పాటు పాపాయి లాంటి నవ్వు కూడా..

థాంక్స్ ఫర్ యువర్ కామెంట్ శాంతి గారు.

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.