గురువారం, అక్టోబర్ 25, 2018

తలవాకిట ముగ్గులు...

తూర్పు సింధూరం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : తూర్పు సింధూరం (1990)
సంగీతం : ఇళయరాజా
సాహిత్యం : సిరివెన్నెల 
గానం : బాలు

తలవాకిట ముగ్గులు వేకువకే అందం
శ్రుతి కుదరని పాటకి లేదు కదా అందం
నడివీధులలో వేదం ఈ జానపదం సత్యం
తద్ధిం తరికిట తరికిట తధిగిణ తోం...

తలవాకిట ముగ్గులు వేకువకే అందం
శ్రుతి కుదరని పాటకి లేదు కదా అందం

అరె గలగల మోగిన పాదం
ఆ ముచ్చట మువ్వల నాదం
అది పెరుగును ఏనాడో
గోపాలుని ఆటల మైకం
రేపల్లెగ మారును లోకం
జగమంతా తూగాడూ
దేహం ఉంటే రోగం ఉందీ
సౌఖ్యమూ చింతా ఉందీ
పెదవిలోన నవ్వులు ఉంటే
దుఃఖమెలా నిలబడుతుంది
వీధులలో వేదం ఈ జానపదం సత్యం
తద్ధిం తరికిట తరికిట తధిగిణ తోం...

తలవాకిట ముగ్గులు వేకువకే అందం
శ్రుతి కుదరని పాటకి లేదు కదా అందం
తలవాకిట ముగ్గులు వేకువకే అందం హ హ
శ్రుతి కుదరని పాటకి లేదు కదా అందం

ప్రతి మనిషికి మనసుంటుంది
వేరొకరిది ఐపోతుంది
అందుకోసమే పెళ్ళాడు
తొలిముచ్చట ముద్దర పడితే
ఆ జంటకు నిద్దర చెడితే
ఆ కేళికి వెయ్యేళ్ళూ
రాతిరుంటె ఉదయం ఉందీ
కలత ఉంటే కులుకు ఉందీ
ఊసులాడు పండగ వేళ
ఆశలకే బలమిస్తుంది
వీధులలో వేదం ఈ జానపదం సత్యం
తద్ధిం తరికిట తరికిట తధిగిణ తోం...

తలవాకిట ముగ్గులు వేకువకే అందం
శ్రుతి కుదరని పాటకి లేదు కదా అందం హహ
నడి వీధులలో వేదం ఈ జానపదం సత్యం
తద్ధిం తరికిట తరికిట తధిగిణ తోం...
 
తలవాకిట ముగ్గులు వేకువకే అందం హహ
శ్రుతి కుదరని పాటకి లేదు కదా అందం


2 comments:

ఈ మూవీ లో మా ఫేవరెట్ రేవతి చాలా చాలా బావుంటుందండి..

రేవతి ఏ సినిమాలో ఐనా చాలా బాగ చేస్తుందండీ.. థాంక్స్ ఫర్ ద కామెంట్ శాంతి గారు..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.