మంగళవారం, జులై 04, 2017

ఈ గాలి ఈ నేల...

సిరివెన్నెల చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : సిరివెన్నెల (1986)
సంగీతం : కె.వి.మహదేవన్
సాహిత్యం : సిరివెన్నెల
గానం : బాలు, సుశీల

ఈ గాలి ఈ నేల ఈ ఊరు సెలయేరు
ఈ గాలి ఈ నేల ఈ ఊరు సెలయేరు
ననుగన్న నా వాళ్లు నా కళ్ల లోగిళ్ళు
ననుగన్న నా వాళ్లు నా కళ్ల లోగిళ్ళు 
ఈ గాలీ ఈ నేలా

చిన్నారి గొరవంక కూసేను ఆ వంక
నా రాక తెలిశాక వచ్చేను నా వంక
చిన్నారి గొరవంక కూసేను ఆ వంక
నా రాక తెలిశాక వచ్చేను నా వంక
ఎన్నాళ్లో గడిచాకా ఇన్నాళ్లకు కలిశాక
ఎన్నాళ్లో గడిచాకా ఇన్నాళ్లకు కలిశాక
ఉప్పొంగిన గుండెల కేక ఎగసేను నింగి దాక
ఉప్పొంగిన గుండెల కేక ఎగసేను నింగి దాక
ఎగసేను నింగి దాకా….

ఈ గాలి ఈ నేల ఈ ఊరు సెలయేరు
ననుగన్న నా వాళ్లు ఆఆఆ.. నా కళ్ల లోగిళ్ళు
ఈ గాలీ... ఈ నేలా... 
ఏనాడు ఏ శిల్పి కన్నాడో ఈ కలలు
ఏ ఉలితో ఈ శిలపై నిలిపాడో ఈ కళలు
ఏనాడు ఏ శిల్పి కన్నాడో ఈ కలలు
ఏ ఉలితో ఈ శిలపై నిలిపాడో ఈ కళలు
ఏ వలపుల తలపులతో తెలిపాడో ఈ కథలు
ఏ వలపుల తలపులతో తెలిపాడో ఈ కథలు
ఈ రాళ్లే జవరాళ్లై ఇట నాట్యాలాడేను
ఈ రాళ్లే జవరాళ్లై ఇట నాట్యాలాడేను

కన్నె మూగ మనసు కన్న స్వర్ణ స్వప్నమై
తళుకుమన్న తార చిలుకు కాంతి చినుకులై
కన్నె మూగ మనసు కన్న స్వర్ణ స్వప్నమై
తళుకుమన్న తార చిలుకు కాంతి చినుకులై
గగన గళము నుండి అమర గాన వాహినీ 
ఆఆఆఆఆ...ఆఆఅ..ఆఆ..
గగన గళము నుండి అమర గాన వాహినీ
జాలువారుతోంది ఇలా అమృతవర్షిణి
అమృతవర్షిణి అమృతవర్షిణి…
ఈ స్వాతి వానలో నా ఆత్మ స్నానమాడే
నీ మురళి లో నా హృదయమే
స్వరములుగా మారే

ఆహాహ..ఆహాఆ...
ఈ గాలి ఈ నేల ఈ ఊరు సెలయేరు
ననుగన్న నా వాళ్లు నా కళ్ల లోగిళ్ళు
ఈ గాలీ ఈ నేలా


0 comments:

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail