మంగళవారం, డిసెంబర్ 27, 2016

సువ్వీ సువ్వీ సువ్వాల...

పెళ్ళి కానుక చిత్రంలోని ఒక చక్కని పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో లోడ్ అవని వాళ్లు ఇక్కడ చూడవచ్చు.


చిత్రం : పెళ్ళికానుక (1998)
సంగీతం : కీరవాణి
సాహిత్యం : సిరివెన్నెల
గానం : బాలు, చిత్ర, మాల్గుడి శుభ 

ఆఆఅ..ఆఆఅ..ఓఓఓ... ఓహో... 
సువ్వీ సువ్వీ సువ్వాలా మువ్వా గోపాల 
నవ్వీ నవ్వీ ఈ వేళా రవ్వలు రేపాలా 
సువ్వీ సువ్వీ సువ్వాలా మువ్వా గోపాల 
నవ్వీ నవ్వీ ఈ వేళా రవ్వలు రేపాలా 

గువ్వా గువ్వా వెన్నెల గువ్వా 
మామాటలు వింటున్నావా
పువ్వా పువ్వా పున్నమి పువ్వా 
చిరునవ్వుతో చూస్తున్నావా 
నువ్వు కోరిన గూటికి రమ్మంటా గువ్వా 
నీ కోవెల దారిని చూపెడతా పువ్వా
నువ్వు ఊ అంటావా  

సువ్వీ సువ్వీ సువ్వాలా మువ్వా గోపాల 
నవ్వీ నవ్వీ ఈ వేళా రవ్వలు రేపాలా

మీ ఇంటి ముంగిట సంక్రాంతి ముగ్గేరా ఈ పైడి బొమ్మ 
నీ ఇంటి వాకిట వెయ్యేళ్ళ వెలుగురే సిరిమల్లె కొమ్మా 
ఈ కన్నె తారక జంటైతె నువ్వేరా ఆ చందమామ 
ఈ ఎంకి చేరితే నీ సొంతమైపోదా ఆనందసీమ 
రాసిపోసిన రాసి కళలను పూస గుచ్చిన బ్రహ్మ 
చూసిన వాళ్ళకు ఈసుపుట్టగ మాకందించేనమ్మా 
మా కోటకు రాణిగ రమ్మంటా గువ్వా 
నీ కోవెల దారిని చూపెడతా పువ్వా
నువ్వు ఊ అంటావా  

సువ్వీ సువ్వీ సువ్వాలా మువ్వా గోపాల 
నవ్వీ నవ్వీ ఈ వేళా రవ్వలు రేపాలా

వసంత కోకిల రాగాల రూపంలా చిరునవ్వు సిరులు 
వేసంగి వెన్నెల కురిపించు దీపంలా వెలిగేటి కనులు 
వర్షించు వన్నెల ఆ ఇంద్ర ఛాపంలా చిన్నారి కళలు 
ఆ మంచుకొండల మురిపించు తెలుపేరా సుగుణాల నిధులూ 
ఆరు రుతువులు కూడి చేరిన అందమే నీవమ్మా 
ఏడు జన్మల తోడు వీడని బంధమై రావమ్మా 
దివిసీమల దీవెన తెమ్మంటా గువ్వా 
నీ కోవెల దారిని చూపెడతా పువ్వా
నువ్వు ఊ అంటావా  

సువ్వీ సువ్వీ సువ్వాలా మువ్వా గోపాల 
నవ్వీ నవ్వీ ఈ వేళా రవ్వలు రేపాలా

సువ్వీ సువ్వీ సువ్వాలా మువ్వా గోపాల 
నవ్వీ నవ్వీ ఈ వేళా రవ్వలు రేపాలా


 

0 comments:

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail