బుధవారం, డిసెంబర్ 28, 2016

అందాల రాధికా...

గోపాలకృష్ణుడు సినిమాలోని ఒక సరదా అయిన పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో లోడ్ అవని వాళ్ళు ఇక్కడ చూడవచ్చు.


చిత్రం : గోపాల కృష్ణుడు  (1982)
సంగీతం : చక్రవర్తి
సాహిత్యం : వేటూరి
గానం : బాలు, సుశీల

అందాల రాధికా.. నా కంటి దీపికా
నాకున్న కోరికా.. నువ్వేనే బాలికా
చందామామ పోలికా.. అందమివ్వు కానుకా
చందామామ పోలికా.. అందమివ్వు కానుకా

గోపాలకృష్ణుడా.. గోపెమ్మకిష్టుడా
వ్రేపల్లే వీధిలో వెంటాడే కిష్టుడా
వెన్నెలమ్మ చాటుగా.. వేణువైన బాలుడా
వెన్నెలమ్మ చాటుగా.. వేణువైన బాలుడా

వయసు వేయదు వాయిదాలను
వలపు కలపక తప్పదులే
అసలు తీరదు ఇతర పనులకు
ముసురుకున్నది మనసేలే
కనులకు మాటొచ్చి కౌగిలి ఇమ్మంటే..
కౌగిలిలో గాలి.. వడగాలౌతోంటే
కలవమన్నవి.. కలవరింతలు
విచ్చలవిడిగా వెచ్చని ఒడిలో
ఈ ప్రేమ గుడిలో.. పరువాల సడిలో

అందాల రాధికా..అహహ..హా
నా కంటి దీపికా..ఓహోహో..హో

వ్రేపల్లే వీధిలో వెంటాడే కిషుడా
వెన్నెలమ్మ చాటుగా.. వేణువైన బాలుడా

చందామామ పోలికా.. అందమివ్వు కానుకా

ఎండ వెన్నెల దండలల్లెను
గుబులురేగిన గుండెలలో
అక్కడక్కడ చుక్క పొడిచెను
మసక కమ్మిన మనసులలో
సనసన జాజులలో సణిగిన మోజులలో
కలబడు చూపుల్లో వినబడు ఊసులలో
పలుకుతున్నవి చిలక పాపలు
చిక్కని చలిలో చక్కిలిగిలిగా
ఈ తీపి సొదలే.. ఈనాటి కథగా

గోపాలకృష్ణుడా.. గోపెమ్మకిష్టుడా
వ్రేపల్లే వీధిలో.. వెంటాడే కిష్టుడా
వెన్నెలమ్మ చాటుగా.. వేణువైన బాలుడా
వెన్నెలమ్మ చాటుగా.. వేణువైన బాలుడా

అందాల రాధికా.. నా కంటి దీపికా
నాకున్న కోరికా.. నువ్వేనే బాలికా
చందామామ పోలికా.. అందమివ్వు కానుకా
చందామామ పోలికా.. అందమివ్వు కానుకా

  

0 comments:

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail