గురువారం, డిసెంబర్ 25, 2014

జగములనేలే గోపాలుడే...

సాక్షాత్ గోపాలుడినే తన సిగలో పూవుగా బంధీ చేయాలని ప్రయత్నించే సత్యభామ ప్రేమకు తగినట్లుగా మాయా లీలా వినోదుడు ఎలా బాసలు చేస్తున్నాడో చూశారా. శ్రీకృష్ణావతారం చిత్రంలోని ఓ చక్కని పాటలోనిదీ సన్నివేశం సినారే గారి మాటల్లో ఆ సన్నివేశాన్ని మనమూ తిలకించి ఆలకించి ఆనందిద్దాం రండి. ఈ పాట ఆడియో మాత్రమే వినాలంటే ఇక్కడ వినవచ్చు.


చిత్రం : శ్రీ కృష్ణావతారం (1967)
సంగీతం : టివి.రాజు
రచన : సి.నారాయణరెడ్డి
గానం : సుశీల, ఘంటసాల

మెరుగు చామన ఛాయ మేని సొంపుల వాడు 
నును మీగడల దేలు మనసున్న చెలికాడు 
దొరవోలె నా మనసు దోచుకున్నాడే..

జగములనేలే గోపాలుడే 
జగములనేలే గోపాలుడే 
నా సిగలో పూవవును ఈనాడే
మగువుల నేలే గోపాలుడే 
నీ మనసే దోచెను ఈనాడే
మగువుల నేలే గోపాలుడే 

ఘుమఘుమలాడే మమతల మల్లెలు
ఘుమఘుమలాడే మమతల మల్లెలు 
కోరినంతనే దొరకవులే 
మదనుని గెలిచిన మగరాయని గని 
మదనుని గెలిచిన మగరాయని గని 
మల్లెలు తామే వలచునులే
మగువా నీ మది తెలిసెనులే 

జగములనేలే గోపాలుడే
నీ మనసే దోచెను ఈనాడే
భామా మానస పంజరమ్ములో 
భామా మానస పంజరమ్ములో
రామ చిలుకవై నిలిచేవా 
పంజరమైనా ప్రణయ దాసునికి 
పంజరమైనా ప్రణయ దాసునికి 
పసిడి మేడయే ప్రియురాలా
బాసయె చేసెద ఈ వేళా..

జగములనేలే గోపాలుడే
నీ మనసే దోచెను ఈనాడే
చేసిన బాసలు చిగురులు వేయగ 
చేసిన బాసలు చిగురులు వేయగ
గీసిన గీటును దాటవుగా 
అందముతో నను బందీ జేసిన
అందముతో నను బందీ జేసిన
సుందరి ఆనతి దాటేనా 
ఉందునే ఓ చెలి నీలోనా 

జగములనేలే గోపాలుడే 
నా సిగలో పూవవును ఈనాడే
మగువుల నేలే గోపాలుడే 
నీ మనసే దోచెను ఈనాడే

1 comments:

అర్ధమైతే కృష్ణతత్వాన్ని మించిన అద్భుతమైన, అపురూపమైన ప్రేమ ఈ సృష్టిలో యెక్కడా లేదు..

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail