గురువారం, డిసెంబర్ 04, 2014

సిపాయీ.. సిపాయీ..

నాకు రేడియో పరిచయం చేసిన పాటలలో ఇదీ ఒకటి. నా పేరు ఉందన్న కారణంతో "నా మది నిన్ను పిలిచింది" పాటన్నా, రఫీ గారి స్వరం అన్నా అప్పటికే బోలెడు ఇష్టం ఉండడంతో ఈ పాట తెగ వినేవాడ్ని. ఇప్పుడు వింటూన్నా కూడా చిన్నప్పుడు వింటూ పొందిన ఆ ఆనందం గుర్తొస్తూ ఉంటుంది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : అక్బర్ సలీం అనార్కలి (1978)
సంగీతం : సి.రామచంద్ర 
సాహిత్యం : సినారే
గానం : మహమ్మద్ రఫీ, పి.సుశీల

సిపాయీ.. సిపాయీ..
సిపాయీ.. సిపాయీ..
నీకై ఎంత ఎంత వేచి వేచి ఉన్నానో...
ఈ వాలుకనులనడుగు అడుగు చెపుతాయీ..
సిపాయీ.. ఓ..సిపాయీ..

హసీనా.. హసీనా..
నీకై ఎంత ఎంత వేగి వేగి పోయానో
ఈ పూలమనసునడుగు అడుగు ఇకనైనా..
హసీనా.. ఓ.. హసీనా..

జడలోని మల్లెలు జారితే... నీ ఒడిలో ఉన్నాననుకున్నా..
చిరుగాలిలో కురులూగితే.. చిరుగాలిలో కురులూగితే..
నీ చేయి సోకెనని అనుకున్నా..
 
ఆ.. మల్లెలలో కదలాడినవి నా కలవరింపులే..
ఆ గాలిలో.. చెలరేగినవి.. ఆ గాలిలో చెలరేగినవి..
నా నిట్టూరుపులే...
హసీనా.. ఓ.. హసీనా..
నీకై ఎంత ఎంత వేచి వేచి ఉన్నానో...
ఈ వాలుకనులనడుగు అడుగు చెపుతాయీ..
సిపాయీ.. ఓ..సిపాయీ..

తడి ఇసుకను గీసిన గీతలు.. అల తాకితే మాసి పోతాయి..
ఎదలోన వ్రాసిన లేఖలు.. ఎదలోన వ్రాసిన లేఖలు..
బ్రతుకంతా వుండి పోతాయి..
ఆ.. లేఖలలో ఉదయించినవి నా భాగ్యరేఖలే..
మన ఊపిరిలో పులకించినవి.. మన ఊపిరిలో పులకించినవి..
వలపు వాకలే.. సిపాయీ...
సిపాయీ.. ఓ..సిపాయీ..

నీకై ఎంత ఎంత వేగి వేగి పోయానో
ఈ పూలమనసునడుగు అడుగు ఇకనైనా..
హసీనా.. ఓ.. హసీనా..
సిపాయీ.. ఓ..సిపాయీ..
హసీనా.. ఓ.. హసీనా..



2 comments:

ముద్దు ముద్దుగా రఫీ గారు పాడిన ఈ పాటలో భాష కన్నా ముందు భావం గుండెను సూటిగా తాకుతుంది..

బహుశా అందుకేనేమోనండీ భాషలో లోపాలు నాకు అంతగా కనిపించవు వినేప్పుడు. థాంక్స్ ఫర్ ద కామెంట్.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail