శుక్రవారం, డిసెంబర్ 12, 2014

ఏ రాగమో?.. ఇది ఏ తాళమో?..

ఆత్రేయ గారి చక్కని సాహిత్యం సత్యం గారి కమ్మనైన బాణిలో ఒదిగిపోతే ఇలా ఆహ్లాదకరమైన పాటగా మారుతుంది. ఆలూమగల అనురాగాన్ని ఎంత చక్కని మాటల్లో చెప్పారో మీరూ చూసీ వినీ ఆనందించండి. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : అమర దీపం (1977)
సంగీతం : సత్యం
సాహిత్యం : ఆచార్య ఆత్రేయ
గానం : బాలు, సుశీల

ఏ రాగమో?.. ఇది ఏ తాళమో?..
ఏ రాగమో?.. ఇది ఏ తాళమో?
అనురాగాని కనువైన శృతి కలిపినాము
ఆఁహాఁ.. ఊఁహూఁ.. 
ఆఁహాఁ.. ఉఁహూఁ

ఏ రాగమో?.. ఇది ఏ తాళమో?
ఏ రాగమో?.. ఇది ఏ తాళమో?
మన కళ్యాణ శుభవేళ మోగించు మేళమో
ఏ రాగమో?.. ఇది ఏ తాళమో?..

ఎదలో మెదిలే..  సంగతులన్నీ..
పలికెను సంగీతమై.. పలికెను సంగీతమై..
కలిసిన కన్నుల.. మెరిసేకలలే..
వెలిసెను గమకములై... వెలిసెను గమకములై..
హొయలైన నడకలే లయలైనవి..
చతురాడు నవ్వులే గతులైనవి..
సరిసరి అనగానే..  మరిమరి కొసరాడు
మురిపాలె మన జంట స్వరమైనది..

ఏ రాగమో?.. ఇది ఏ తాళమో?
మన కళ్యాణ శుభవేళ మోగించు మేళమో
ఏ రాగమో?...ఇది ఏ తాళమో?..

విరికన్నె తనకు..  పరువమే కాదు..
పరువూ కలదన్నది... పరువూ కలదన్నది..
భ్రమరము తనకు అనుభవమే కాదు..
అనుబంధముందన్నది... అనుబంధముందన్నది..
కోకిలమ్మ గుండెకు గొంతున్నది..
కొమ్మలో దానికి గూడున్నది..
సరి మగవానికి సగమని తలపోయు
మన జంటకేజంట సరి ఉన్నది..

ఏ రాగమో.. ఇది ఏ తాళమో
అనురాగాని కనువైన శృతి కలిపినాము
ఏ రాగమో.. ఇది ఏ తాళమో..


2 comments:

శృగారాన్ని ఇంత సున్నితంగా వర్ణించడం వేటూరిగారికే చెల్లు..

థాంక్స్ ఫర్ ద కామెంట్ శాంతి గారు.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail