Circle of Life - Lion King

మొదటిసారి ఎపుడూ అద్భుతమే, ఆ అనుభూతిని జీవితాంతం మరిచిపోలేమన్నదీ సత్యం. అప్పటివరకూ కార్టూన్ ఫిల్మ్ అంటే టీవీల్లో శనివారం సాయంత్రాలు అరగంటపాటు వచ్చే జెయింట్ రోబోట్ ఇంకా ఆదివారం ఉదయం వచ్చే జంగిల్ బుక్, డక్ టేల్స్ లాంటివి టివి ఫిల్మ్స్ మాత్రమే అని తెలిసిన నాకు ఒకేసారి పెద్ద స్క్రీన్ పై గంటన్నరపాటు కార్టూన్ సినిమా చూడడం అంటే ఆ విషయమే నమ్మశక్యంగా అనిపించలేదు. సరే ఎలా ఉంటుందో చూద్దాం అని మొదటిసారి లయన్ కింగ్ సినిమాకి వెళ్ళాను..

సినిమా ప్రారంభమే ఈ సర్కిల్ ఆఫ్ లైఫ్ పాటతో ప్రారంభమౌతుంది మొదట్లో వచ్చిన లైన్స్ అసలు భాషేంటో అర్ధంకాకపోయినా ఏదో తెలియని ఎనర్జీని నింపేస్తాయి. మొదటిసారి సినిమా చూసినపుడు ఈపాటంతా నేను ఫీలైన excitement నాకు ఇంకా గుర్తుంది. ఎల్టన్ జాన్ సంగీతంలోని ఈ పాట నాకు చాలా ఇష్టం. ఇంక చిత్రీకరణ తిరుగులేదు సింబా cute expressions, తుమ్మడం, అది చూసి తన పేరెంట్స్ మురిసిపోవడం అవన్నీ కాప్చర్ చేసిన విధానం నాకు చాలా చాలా నచ్చేసింది. ఇక సినిమా ఇప్పటికీ ఎన్ని సార్లు చూసినా బోర్ కొట్టదు, తండ్రీకొడుకుల మధ్య బాండింగ్ చూపించే సీన్స్ అన్నీ చాలా నచ్చేశాయి. ఈ పాట స్టార్టింగ్ వినగానే అప్పట్లో ఆ సినిమా చూసిన రోజుల్లోకి వెళ్ళిపోతుంది మనసు, అప్పటి excitement మళ్ళీ వచ్చేస్తుంది.

అన్నట్లు ఈ పాట మొదట్లో వచ్చే లైన్స్ Zulu అనే సౌతాఫ్రికన్ భాషకు చెందినవట. ఇక్కడ ఆ లైన్స్ అండ్ వాటి మీనింగ్ విత్ లిరిక్స్ ఇస్తున్నాను. అలాగే వీడియో కూడా ఒక సారి మళ్ళీ చూసేసి ఆ జ్ఞాపకాలలోకి వెళ్లిరండి.

Music by Elton John,
lyrics by Tim Rice
Performed by Carmen Twillie

Nants ingonyama bagithi Baba [Here comes a lion, Father]
Sithi uhm ingonyama [Oh yes, it's a lion]

Nants ingonyama bagithi baba
Sithi uhhmm ingonyama
Ingonyama

Siyo Nqoba [We're going to conquer]Ingonyama
Ingonyama nengw' enamabala 

[A lion and a leopard come to this open place]
 
[Chant repeats]

From the day we arrive on the planet
And blinking, step into the sun
There's more to see than can ever be seen
More to do than can ever be done
There's far too much to take in here
More to find than can ever be found
But the sun rolling high
Through the sapphire sky
Keeps great and small on the endless round

It's the Circle of Life
And it moves us all
Through despair and hope
Through faith and love
Till we find our place
On the path unwinding
In the Circle
The Circle of Life

It's the Circle of Life
And it moves us all
Through despair and hope
Through faith and love
Till we find our place
On the path unwinding
In the Circle
The Circle of Life

లిరిక్స్ కర్టెసీ : http://www.lionking.org/lyrics/OMPS/CircleOfLife.html

పూర్తిగా చదువు

తొలిచూపూ చెలి రాసినా - రాజ్కుమార్ (1983)

కొన్ని కొన్ని సినిమాలలో ఒక పాట విపరీతంగా హిట్ అయినపుడు దాని ప్రభవెలుగులో ఆ సినిమాలోని మిగిలిన ఒకటి రెండు పాటలు బాగున్నా కూడా అవి అంతగా పాపులర్ అవ్వవు. రాజ్ కుమార్ సినిమాలోని ఈ “తొలిచూపూ చెలి రాసినా శుభలేఖా” అన్నపాట అదే కోవకి చెందుతుంది అనిపిస్తుంటుంది. ఇళయరాజా స్వరపరచిన ఈ సినిమాలోని “జానకి కలగనలేదు రాముని సతి కాగలనని” పాట చాలా ఫేమస్ అవడంతో ఈ మంచిపాట కాస్త మరుగున పడిందనే చెప్పాలి లేదంటే ఇది మరింత హిట్ అయి ఉండేది. ఇదే సినిమాలొని ఆత్రేయ రచన “తేనెకన్నా తీయనిది తెలుగు పాట” కూడా కొంచెం ఎక్కువే ఖ్యాతిపొందింది.

నాకైతే “జానకి కలగనలేదు” పాటకన్నా ఈపాటే ఎక్కువ ఇష్టం. ముఖ్యంగా ఈ పాటని బాలు జానకి గార్లు పాడలేదు పాటతో ఆడుకున్నారు. ఎనభైలలోని కొన్ని పాటలను ఇలా ఎంతో అందంగా వీళ్ళిద్దరూ ఆడుకున్నట్లుగా పాడిన పాటలు వినడం ఒక మర్చిపోలేని అనుభూతినిస్తుంది. ఆ ఇద్దరి స్వరాలను జాగ్రత్తగా గమనించి చూస్తే ప్రతిఒక్కరికీ అర్ధమవుతుందా విషయం. ప్రియభాషా అనే మాటని బాలుగారు ఒకోసారి ఒకోరకంగా పలికే విధానం కానీ చిన్నగా నవ్వుతూ అల్లరిగా ఆహా అంటూ సపోర్ట్ చేసే విధానంకానీ చూడముచ్చటగా ఉంటుంది. అలాగే జానకి గారు హిందీ లిరిక్స్ పాడిన పద్దతి చివర్లో షుక్రియా అనేమాట పలికిన విధం విని మైమరచిపోని వారుండరేమో.

వేటూరి గారి సాహిత్యం, ఇళయరాజా గారి సంగీతం గురించి చెప్పేదేముంది రెండూ అద్భుతమే. ఈపాటని కళ్యాణి రాగంలో స్వరపరచారట వేటూరి గారు “కన్నూ కన్నూ నవకళ్యాణిలో రాగాలెన్నో పలికే” అంటూ చరణంలో మొదటిలైన్ తో ఆ విషయం చెప్పేస్తారు. ఈపాట ఓ ఆహ్లాదకరమైన ఉదయం మొదటిసారి నేను రేడియోలో విన్నాను ఆక్షణంనుండీ మనసులో అలా ముద్రపడిపోయింది, నేను తరచుగా వినేపాటలలో ఇదీ ఒకటిగా ఫిక్స్ అయిపోయింది, ఈపాట ఎప్పుడు విన్నా ఆ మొదటిసారి రేడియోలో విన్నప్పటి అనుభూతి రిపీట్ అవుతుంటుంది. ఈ చక్కని పాట ఆడియో వినాలంటే చిమటలో ఇక్కడ వినండి. యూట్యూబ్ వీడియోలో కూడా కేవలం ఆడియో మాత్రమే ఉన్న వీడియో దొరికింది అది కూడా ఇస్తున్నాను.

 

చిత్రం : రాజ్ కుమార్ (1983)
రచన : వేటూరి
సంగీతం : ఇళయ రాజా
గానం : బాలు, జానకి
రాగం : కళ్యాణి

ఆఆఆఆఆఆఆఆఆ..
ఆహాహ.. ఆహాహ.. ఆహాహ.. 

తొలి చూపు చెలి రాసిన శుభలేఖ
తొలి చూపు చెలి రాసిన శుభలేఖ
పలుకే లేనిది.. ప్రియ భాషా
పలుకే లేనిది.. ప్రియ భాషా
తొలి చూపు చెలి రాసిన శుభలేఖ
తొలి చూపు చెలి రాసిన శుభలేఖ

కన్నూ కన్నూ నవకళ్యాణి లో.. రాగాలెన్నో పలికే
క్యా(क्या)
అందాలన్నీ బిగి కౌగిళ్ళకే.. రావాలనీ అలిగే
బనే మేరే ప్రాణ్ మన్ మధ్ కే తీర్ ఏహై ప్రేమ్ కా సార్
(बने मेरे प्राण मन मध् के तीर ऐहै प्रेम का सार)
ప్రాణాలన్ని మరు బాణా లైదుగా చేసే ప్రేమ కావ్యం
అఛ్చా(अच्चा)
తొలి పాట చెలికంకితం..  చెలి నీడ నా జీవితం...
ఆరారు కాలాల కిది కామితం

నజరోం సే ఆహ దిల్ నే దియా నజరానా ఆహహ..
(नजरॊं सॆ ఆహ दिल नॆ दिया नजराना అహహ..)
న హో సకా ఔర్ దేనా (न हॊ सका और दॆना)
న హో సకా ఔర్ దేనా దేనా (न हॊ सका और दॆना.. देना)
నజరోం సే ఉహూ.. దిల్ నే దియా నజరానా..
(नजरॊं सॆ ఉహూ.. दिल नॆ दिया नजराना)

బృందావనీ సుమ గంధాలతో శృంగారాలే వలచీ
ఫిర్(फिर)
శిల్పావనీ లయ లాస్యాలతో సౌందర్యాలే తలచీ
 సాంఝ్ సవేరే పూఛూంగీ మై ఖిల్ కవల్ సే తుమ్హే..
(सांझ सवॆरॆ पूछूंगी मैं खिल कवल सॆ तुम्हॆं)
కార్తీకాల తెలి కల్హారాలతో వేస్తా ప్రేమ హారం...
షుక్రియా (शुक्रीया)
కుసుమించే చెలి యవ్వనం..  నా మదికే నీరాజనం..
ఏడేడు జన్మాలకిది శాశ్వతం..

తొలి చూపు చెలి రాసినా శుభలేఖ
నజరోం సే దిల్ నే దియా నజరానా
(नजरॊं सॆ दिल नॆ दिया नजराना)
పలుకే లేనిది ప్రియ భాషా
న హో సకా ఔర్ దేనా దేనా
(न हॊ सका और देना.. देना)
తొలిచూపు చెలి రాసిన శుభలేఖ
నజరోం సే దిల్ నే దియా నజరానా
(नजरॊं सॆ दिल नॆ दिया नजराना)

హిందీ లిరిక్స్ సరి చేసి పంపిన ఓ ఫ్రెండ్ కి ధన్యవాదాలు. 

పూర్తిగా చదువు

సందేహించకుమమ్మా

కొన్ని పాటలు వినడం తప్ప మనమేమీ వ్యాఖ్యానించలేము. ఇది అలాంటి పాటే ఆడియో ఇక్కడ వినండి.

చిత్రం: లవకుశ (1963)
సంగీతం: ఘంటసాల
రచన: సముద్రాల (జూనియర్)
గానం: ఘంటసాల

సందేహించకుమమ్మా రఘురాము ప్రేమనూ.. సీతమ్మా..
సందేహించకుమమ్మా రఘురాము ప్రేమనూ.. సీతమ్మా..
సందేహించకుమమ్మా

ఒకే బాణము ఒకటే మాట.. ఒక్క భామకే రాముని ప్రేమ..
ఒకే బాణము ఒకటే మాట.. ఒక్క భామకే రాముని ప్రేమ
మిన్నే విరిగిపడినా... ఆ ఆ ఆ... ఆ ఆ ఆ... ఆ ఆ ఆ...
మిన్నే విరిగిపడినా వ్రతభంగమ్ము కానీడమ్మా ఆ ఆ ఆ...

సందేహించకుమమ్మా రఘురాము ప్రేమను సీతమ్మా..
సందేహించకుమమ్మా...

రఘుకులేశుడే ధర్మము వీడి మరో భామతో కూడిన నాడు...
రఘుకులేశుడే ధర్మము వీడి మరో భామతో కూడిన నాడు
నాదు జపము తపము నా కావ్యమ్మె వృథయగునమ్మా
నాదు జపము తపము నా కావ్యమ్మె వృథయగునమ్మా ఆ ఆ ఆ

సందేహించకుమమ్మా రఘురాము ప్రేమను.. సీతమ్మా...

పూర్తిగా చదువు

గుండెల్లో గోదారీ పొంగి పొరలుతోందీ

ఇళయరాజా గారి ఇటీవలి హిట్ “ఎటో వెళ్ళిపోయింది మనసు” ఆడియోలో పాటలు కూడా బాగానే ఉన్నాఅందులో ఎక్కువగా ఈతరానికి తగినట్లుగా ఆర్కెస్ట్రేషన్ తో పాటలు కంపోజ్ చేయాలన్న ప్రయత్నం స్పష్టంగా కనిపించింది. కానీ ఈ “గుండెల్లో గోదారి” పాటలలో సినిమా కూడా 1985 లో కావడంతో అప్పట్లో తను ఇచ్చిన సంగీతం ఎలా ఉండేదో అలాగే కంపోజ్ చేశారు. నాకు ఈ పాటలు వినేకొద్దీ మరింతగా నచ్చేస్తున్నాయి. నాస్టాల్జిక్ ఎఫెక్ట్ ప్రధమ కారణం అంతగా నచ్చేయడానికి.

ఉదాహరణకి ఈ గుండెల్లో గోదారీ పాటనే తీస్కోండి ప్రారంభంలో ఒక బేస్ రిథమ్ ని తీస్కుని పాటంతా అక్కడక్కడ కొద్ది వేరియేషన్ తప్ప అదే రిధం కంటిన్యూ చేస్తారు. అది పాటకి ఒక కంటిన్యుటినీ ఇచ్చి పాటంతా కూడా మనసుకు అలా హత్తుకు పోయేలా చేస్తుంది. ఇతర సంగీత దర్శకులు చేసినాకూడా ఎక్కువగా ఇళయరాజా గారి పాటలలోనే ఇలాంటి బేస్ రిధమ్ బాగా అకట్టుకునేలా ఉంటుంది.

జాలరుల పాటల్లో వచ్చే పదాల ఆధారంగా కలిపిన హైలెస్సో.. తయ్యారె తయ్యారె లాంటి ప్రయోగాలతో వచ్చే బిట్స్ పాటకి మరింత అందాన్నిచ్చాయి. చంద్రబోస్ గారు కాస్త మనసుపెట్టి రాసినట్లున్నారు ఈ పాట సాహిత్యం. గురువులు నేర్పని పాఠాలను అలలే నేర్పిస్తాయి అంటూ భాగ్యాలను వెదికే వలలు గురించి రాయడమే కాక పడుచు జాలరులు అడుగడుగున ఎదురయ్యే సుడులకు ఎదురు నిలిచి ఎలా పోరాడతారో కళ్ళకు కట్టేసారు.

సాగ(హ)సాలు, నన్న(న్ను)నడుపుతుంది లాటి పదాలు అక్కడక్కడ అడ్డంపడినా ఇళయరాజా గారి స్వరం వైవిధ్యమైన నేపధ్యానికి చక్కగా అమరి మరింత అందాన్నించ్చింది. ఈ చక్కని పాట ఒకనిముషం వీడియో ప్రోమో క్రింది వీడియోలో చూడండి పూర్తిపాట ఆడియో రాగా లో ఇక్కడ వినవచ్చు.

చిత్రం : గుండెల్లొగోదారి
సంగీతం : ఇళయరాజా
సాహిత్యం : చంద్రబోస్
గానం : ఇళయరాజా

ఏ.హే...తయ్యారె తయ్యారె తయ్య తయ్యారె తయ్యారె తయ్యా
హొయ్యా హొయ్యా.. హొయ్య హొయ్యా.. హొయ్యా హొయ్యా.. హొయ్య హొయ్యా..
హేఏ.. హేహే.. హేహే.. హేహే.. హే...

గుండెల్లో గోదారీ పొంగి పొరలుతోందీ
గోదారే రాదారై నన్ను నడుపుతోందీ..
గురువులిక తెలపని పాఠాలే తెలిపినవి అలలే..
వరములకు దొరకని భాగ్యాలే వెదికినవి వలలే..

ఏ హైలెస్సో హైలెస్సొ లెస్సొ హైలెస్సో హైలెస్సొ లెస్సొ హైలెస్సో హైలెస్సొ హైలెస్సో 
ఏ హైలెస్సో హైలెస్సొ లెస్సొ హైలెస్సో హైలెస్సొ లెస్సొ హైలెస్సో హైలెస్సొ హైలెస్సో

ఆ గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ..

అడుగడుగు అలజడులు సుడులు తిరుగు ఒడిలో..
అలసట వెనుతిరుగుట వినబడని వరద బడిలో..
అడుగడుగు అలజడులు సుడులు తిరుగు ఒడిలో..
అలసట వెనుతిరుగుట వినబడని వరద బడిలో..
తరగలుగ పెరిగెను తెగువే పడుచు వరవడిలో..
నురగలుగ కరిగెను దిగులే ఉరుకు ఉరవడిలో..
పౌరుషం పడవలా సాగువేళలో సాహసాలలో..

గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ..

హొయ్యారే..హొయ్యర హొయ్యా.. హొయ్యర హొయ్యారే..
ఒయ్యారే..ఒయ్యర ఒయ్యా.. ఒయ్యర ఒయ్యారే..
హొయ్యారే..హొయ్యర హొయ్యా.. హొయ్యర హొయ్యారే..
ఒయ్యారే..ఒయ్యర ఒయ్యా.. ఒయ్యర ఒయ్యారే..

ఏసెయ్యి ఏసెయ్యి ఏసెయ్యి ఏసెయ్యి
వంజరం వాలుగా వంజరం వాలుగా
బురదకొయ్య మట్టగిడస ఇలస సందువ
బురదకొయ్య మట్టగిడస ఇలస సందువ
పట్టెయ్యి పట్టెయ్యి చేపనే వడుపుగా..
ఏ తందాన తందాన తందనా తాననా
ఏటిలోన సాగిపోని బతుకే ఏటగా..
తందాన తందాన తందనా తాననా

ఎదురెవరూ అదుపెవరూ ఎగుడు దిగుడు కథలో
పులసలా ఎదురీదుతూ ఎగసెగసి పడిన నదిలో
ఎదురెవరూ అదుపెవరూ ఎగుడు దిగుడు కథలో
పులసలా ఎదురీదుతూ ఎగసెగసి పడిన నదిలో
గలగలల గీతం నాదే గెలుపు రాగంలో..
జలజలల సైన్యం నాదే చిలిపి రాజ్యంలో..
రాజునే నేనుగా నీటి కోటలో గాలి వాటులో..

గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ..
గురువులిక తెలపని పాఠాలే తెలిపినవి అలలే..
వరములకు దొరకని భాగ్యాలే వెదికినవి వలలే..

ఏ హైలెస్సో హైలెస్సొ లెస్సొ హైలెస్సో హైలెస్సొ లెస్సొ హైలెస్సో హైలెస్సొ హైలెస్సో 
హైలెస్సో హైలెస్సొ లెస్సొ హైలెస్సో హైలెస్సొ లెస్సొ హైలెస్సో హైలెస్సొ హైలెస్సో

ఆ గుండెల్లో గోదారీ పొంగి పొరలుతోందీ..
గోదారే రాదారై నన్ను నడుపుతోందీ.

పూర్తిగా చదువు

నను నీతో.. నిను నాతో

మొన్న శుక్రవారం విడుదలైన గుండెల్లో గోదారి సినిమా పాటలు ఎపుడో నాలుగునెలల క్రితమే విడుదలైనా నాకు వినే అవకాశం దొరకలేదు. ఈ మధ్యనే వినడం మొదలు పెట్టిన ఈ పాటలు వింటున్నపుడు కొన్నిటిలో సినిమా సెటప్ కి తగినట్లుగా ఎనభైలలో ఇళయరాజా పాటలు విన్న ఫీల్ వచ్చింది. ముఖ్యంగా ఈ పాట నాకు విన్నవెంటనే బాగా నచ్చేసింది. అనంత శ్రీరాం సాహిత్యం అందించిన ఈ పాటను భవతారిణి చాలా చక్కగా పాడింది. చిత్రీకరణ మంచు లక్ష్మి సందీప్ లపై తీసినట్లున్నారు. అటాచ్ చేసిన వీడియోలో పాటలోని కొంత భాగం చూడవచ్చు. పూర్తిపాట ఆడియో రాగాలో ఇక్కడ వినండి.
 

చిత్రం : గుండెల్లో గోదారి

సంగీతం : ఇళయరాజా

సాహిత్యం : అనంత శ్రీరాం

గానం : భవతారిణి

నను నీతో నిను నాతో కలిపింది గోదారి.

నను నీలో నిను నాలో చూపింది తొలిసారి..

ఎమౌతావో నాకు నువ్వు, ఎమౌతానని నీకైనా నేను?

అందించావు ఈ కొలువు, నీ చెలిమై నే మళ్ళీ పుట్టాను.

నను నీతో నిను నాతో కలిపింది గోదారి.

నను నీలో నిను నాలో చూపింది తొలిసారి..

ఆ వరిపైరు పరుపెయ్యాలా గాలులు జోల పాడాల

ఆ హరివిల్లు మన ఉయ్యాలా నిన్నే నేనూ ఊపాలా

ఈ చెమ్మచెక్క చూసి వేగుచుక్కలే ఆ నింగి నుంచి దూకీ..

నా కళ్ళగంతలేసి కంటిలోపలా నీ నవ్వుల్నే చూపాలా

ఊహలు ఎన్నో నాకున్నా

మరిచేనే నన్నేనేను నీ ఊసే వింటే.. నీ ఊసే వింటే..

నను నీతో నిను నాతో కలిపింది గోదారి.

నను నీలో నిను నాలో చూపింది తొలిసారి..

ఎమవుతావో నాకు నువ్వు, ఎమౌతానని నీకైనా నేను?

అందించావు ఈ కొలువు, నీ చెలిమై నే మళ్ళీ పుట్టాను.

నను నీతో నిను నాతో కలిపింది గోదారి.

నను నీలో నిను నాలో చూపింది తొలిసారి..

మారిన ప్రాయం కోరినవన్నీ దొరికే తీరం నువ్వేరా

ఏమిటి న్యాయం నేనొక్కదాన్నే ఆశల భారం మోయ్యాలా

నీ వెచ్చనైన సాయం ఇచ్చి చూడమందీ వెన్నెల్లో గోదారి..

ఆ వంద ఏళ్ళ నెయ్యం పుచ్చుకోమందీ గుండెలోన దూరి.

ఆయువు ఉన్నా లేకున్నా..

క్షణమైనా చాలంటాను నీతోడై ఉంటే .. నీతోడై ఉంటే..

నను నీతో నిను నాతో కలిపింది గోదారి.

నను నీలో నిను నాలో చూపింది తొలిసారి..

ఎమవుతావో నాకు నువ్వు, ఎమౌతానని నీకైనా నేను?

అందించావు ఈ కొలువు, నీ చెలిమై నే మళ్ళీ పుట్టాను.

నను నీతో నిను నాతో కలిపింది గోదారి.

నను నీలో నిను నాలో చూపింది తొలిసారి..

పూర్తిగా చదువు

జరుగుతున్నది జగన్నాటకం

ఈ రోజుల్లో తొమ్మిదిన్నర నిముషాల పాట ఎవరు చూస్తారంటూ అందరూ డిస్కరేజ్ చేయడంతో తాను ఈ పాటని పూర్తిగా ఒకే చోట ఉపయోగించలేకపోయానని క్రిష్ బాధపడినా కూడా గతేడాది జరిగిన కొన్ని అద్భుతాలలో ఒకటైన ఈపాటని సినిమాలో సరిగా చిత్రీకరించనందుకు తనని నేను ఎప్పటికీ క్షమించలేను. సిరివెన్నెల గారు దశావతారాల గురించి రాసిన ఈ పాట బాల సుబ్రహ్మణ్యం గారు పాడటంతో ఖచ్చితంగా మరింత ఆకట్టుకుందనడంలో ఏ సందేహం లేదు. మణిశర్మ ప్రేరణ పొందిన సంగీతం ఉపయోగించినా అది పాటకు బహుచక్కగా అమరింది. సినిమాలో ఒకే చోట ఉపయోగించకపోయినా అక్కడక్కడ నేపధ్యంలో బాలు స్వరంలో వినవచ్చిన ఈ పాట సినిమా మూడ్ ని ఎలివేట్ చేస్తుంది. 

ఈ పాట వింటున్నపుడు అక్కడక్కడా కొన్ని పదాలు అర్ధంకాక పోయినా కూడా ఒక అవ్యక్తమైన అనుభూతికి లోనై రోమాలు నిక్కబొడుచుకోవడాన్ని ప్రత్యక్షంగా అనుభవించవచ్చు. మొన్నే పాడుతాతీయగా కార్యక్రమంలో ఈ పాట గురించి చర్చిస్తూ 'విలయం విజృంభించునని' అన్నమాటలో విజృంభణని అందరూ జకి జవత్తు ఇచ్చి స్ట్రెస్ చేసి ఎలా పలుకుతారో చెప్పి అది తప్పని అక్కడ జవత్తులేదని కేవలం అర్ధం వల్ల అలా ఫోనొటిక్ స్ట్రెస్ తో పలుకుతున్నామని సరైన ఉచ్చారణ వత్తులేకుండా పలికే విజృంభణ అని వివరించడం చూసి అచ్చెరువొందాను. క్రిష్ ని చాలామంది అదేంటి బాలుగారు అలా వత్తులేకుండా తప్పు పాడారు అని ప్రశ్నిస్తే వివరణ ఇవ్వాల్సి వచ్చిందట. ఈ పాటకు ఎవరో దశావతారలతో చక్కని వీడియో ప్రజంటేషన్ చేశారు అది మీకోసం ఇక్కడ ఇస్తున్నాను. ఆడియో మాత్రమే కావాలనుకున్న వారు రాగాలో ఇక్కడ వినవచ్చు. ఈ పాటలోని క్లిష్టమైన పదాలకు ప్రతిపదార్ధం మరియూ ఆంగ్లంలో అర్ధమూ కావాలంటే ఈ పాట గురించి ఐడిల్ బ్రెయిన్ లో విజయసారధి గారు రాసిన సమగ్రమైన వ్యాసం ఇక్కడ చదవండి.  

చిత్రం : కృష్ణం వందే జగద్గురుమ్
సంగీతం : మణిశర్మ
సాహిత్యం : సిరివెన్నెల సీతారామ శాస్త్రి
గానం : ఎస్.పి. బాల సుబ్రహ్మణ్యం

జరుగుతున్నది జగన్నాటకం .. జరుగుతున్నది జగన్నాటకం ..
పురాతనపు పురాణ వర్ణన పైకి కనబడుతున్న కథనం
నిత్య జీవన సత్యమని భాగవత లీలల అంతరార్ధం
జరుగుతున్నది జగన్నాటకం .. జరుగుతున్నది జగన్నాటకం ..
 
చెలియలి కట్టను తెంచుకొని విలయము విజృంభించునని
ధర్మ మూలమే మరచిన జగతిని యుగాంతమెదురై ముంచునని
సత్యవ్రతునకు సాక్షాత్కరించి సృష్టి రక్షణకు చేయూతనిచ్చి
నావగ త్రోవను చూపిన మత్స్యం కాలగతిని సవరించిన సాక్ష్యం

చేయదలచిన మహత్కార్యము మోయజాలని భారమైతే
పొందగోరినదందలేని నిరాశలో అణగారిపోతే
బుసలు కొట్టే అసహనపు నిట్టూర్పు సెగలకు నీరసించక
ఓటమిని ఓడించగలిగిన ఓరిమే కూర్మమన్నది క్షీరసాగరమథన మర్మం

ఉనికిని నిలిపే యిలను కడలిలో కలుపగనురికే ఉన్మాదమ్మును
కరాళ దంష్ట్రుల కుళ్ళగించి యీ ధరాతలమ్మును ఉధ్ధరించగల
ధీరోధ్ధతి రణ హుంకారం ఆదివరాహపు ఆకారం
 
ఏడీ ఎక్కడరా నీ హరి ? దాక్కున్నాడేరా భయపడి ?
బయటకి రమ్మనరా .. ఎదుటపడి నన్ను గెలవగలడా తలపడి ?
నువు నిలిచిన యీ నేలని అడుగు .. నీ నాడుల జీవ జలమ్ముని అడుగు
నీ నెత్తుటి వెచ్చదనాన్నడుగు నీ ఊపిరిలో గాలిని అడుగు
నీ అడుగుల ఆకాశాన్నడుగు నీలో నరునీ హరినీ కలుపు
నీవే నరహరివని నువు తెలుపు

ఉన్మత్త మాతంగ భంగి ఘాతుక వితతి
హంతృ సంఘాత నిర్ఘృణ నిబడమే జగతి
అఘము నగమై ఎదిగె అవనికిదె అశనిహతి
ఆతతాయుల నిహతి అనివార్యమౌ నియతి
శితమస్తి హత మస్తకారి నఖ సమకాసియో
కౄరాసి గ్రోసి హుతదాయ దంష్ట్రుల ద్రోసి మసిజేయు మహిత యజ్ఞం

అమేయమనూహ్యమనంత విశ్వం.. 
ఆ బ్రహ్మాండపు సూక్ష్మ స్వరూపం ఈ మానుష రూపం .. 
కుబ్జాకృతిగా బుధ్ధిని భ్రమింపజేసే.. అల్పప్రమాణం
ముజ్జగాలనూ మూడడుగులతో కొలిచే త్రైవిక్రమ విస్తరణం 

జరుగుతున్నది జగన్నాటకం జగ జగ జగ జగ జగన్నాటకం
జరుగుతున్నది జగన్నాటకం జగ జగ జగ జగ జగమే నాటకం

పాపపు తరువై పుడమికి బరువై పెరిగిన ధర్మగ్లానిని పెరుకగ
పరశురాముడై .. భయదభీముడై .. పరశురాముడై భయదభీముడై
ధర్మాగ్రహ విగ్రహుడై నిలచిన శోత్రియ క్షత్రియ తత్వమే భార్గవుడు

ఏ మహిమలూ లేక యే మాయలూ లేక నమ్మశక్యముగాని యే మర్మమూ లేక
మనిషిగానే పుట్టి మనిషిగానే బ్రతికి మహిత చరితగ మహిని మిగలగలిగే మనికి
సాధ్యమేనని పరంధాముడే రాముడై ఇలలోన నిలచే

ఇన్ని రీతులుగా యిన్నిన్ని పాత్రలుగా నిన్ను నీకే నూత్నపరిచితునిగా
దర్శింపజేయగల జ్ఞాన దర్పణము కృష్ణావతారమే సృష్ట్యావరణతరణము

అణిమగా మహిమగా గరిమగా లఘిమగా ప్రాప్తిగా ప్రాకామ్యవర్తిగా
ఈశత్వముగా వశిత్వమ్ముగా నీలోని అష్ట సిధ్ధులూ నీకు కన్పట్టగా
స్వస్వరూపమే విశ్వరూపమ్ముగా

నరుని లోపలి పరునిపై దృష్టి పరుపగా
తలవంచి కైమోడ్చి శిష్యుడవు నీవైతె నీ ఆర్తి కడతేర్చు ఆచార్యుడవు నీవే

వందే కృష్ణం జగద్గురుమ్ వందే కృష్ణం జగద్గురుమ్
కృష్ణం వందే జగద్గురుమ్ కృష్ణం వందే జగద్గురుమ్
వందే కృష్ణం జగద్గురుమ్ వందే కృష్ణం జగద్గురుమ్
కృష్ణం వందే జగద్గురుమ్ కృష్ణం వందే జగద్గురుమ్
కృష్ణం వందే జగద్గురుమ్

పూర్తిగా చదువు

ఈ బ్లాగ్ పేరు మార్పు.

ఫ్రెండ్స్,

రేపటినుండి ఈ బ్లాగ్ పేరు మార్చాలని నిర్ణయించుకున్నాను. 

ఇప్పటి వరకూ "సరిగమల గలగలలు" అనే పేరున్న ఈ బ్లాగ్ ను రేపటినుండి "పాటతో నేను" అని మార్చబోతున్నాను కనుక ఇకపై అగ్రిగేటర్స్ లోనూ గూగుల్ లోను ఇతర లింక్స్ లోనూ ఈ బ్లాగ్ ఇదే పేరుతో కనిపిస్తుంది. ఐతే బ్లాగ్ అడ్రస్ (URL) మార్చకుండా పాతదే (sarigamalagalagalalu.blogspot.com) ఉంచడం వలన ఈ బ్లాగ్ కు లింక్ చేసి ఉన్న, బుక్ మార్క్ చేసుకున్న మిత్రులు ఏ విధమైన మార్పూ చేయాల్సిన అవసరం ఉండదు. కేవలం రేపటి నుండి మీ లింక్ లిస్ట్ లో "పాటతో నేను" అన్న పేరు కనిపిస్తే అది ఒకప్పటి 'సరిగమల గలగలలు' బ్లాగే అన్న విషయం గుర్తుంచుకుంటే చాలు. 

ఇపుడీ పేరు మార్పిడికి పెద్దకారణాలు ఏవీ లేవు నా మెయిన్ బ్లాగ్ "నాతో నేను నాగురించి" కి అనుబంధంగా ఈ "పాటతో నేను" అన్న పేరు ఈ పాటల బ్లాగ్ లక్షణానికి దగ్గరగా మరింత బాగుంటుందని మారుస్తున్నాను అంతే. ఈ పేరు నేనీ బ్లాగ్ క్రియేట్ చేసినపుడు తట్టనందుకు నన్ను నేను తిట్టుకున్నా ఇప్పటికైనా ఈ ఐడియా వచ్చినందుకు మెచ్చుకుని ఇలా బ్లాగ్ టైటిల్ మారుస్తున్నాననమాట. కనుక గుర్తుంచుకోండి మిత్రులు రేపటినుండి "పాటతో నేను" అనే బ్లాగ్ కనిపిస్తే అది మీరు గత నాలుగేళ్ళగా ఆదరిస్తున్న 'సరిగమల గలగలలు' బ్లాగ్ మాత్రమే తప్ప కొత్తది కాదు :-)

పూర్తిగా చదువు

करिये ना - Taal (1999)

సంగీతానికి భాషాపరిమితులు లేవన్నది సత్యం. భాషకతీతంగా కొన్ని పాటలు సంగీతంతోనే మన మనసులో చెరగని ముద్ర వేసేస్తాయి, అలాంటి పాటలలో రహ్మాన్ కంపోజిషన్స్ ముందు ఉండేవి అని చెప్పచ్చేమో. ఈ పాటకు అర్ధం తెలియని నా మిత్రులు సైతం పదే పదే వినడం పాడడానికి ప్రయత్నించడం నేను గమనించాను, నిజానికి తాళ్ లో చాలా పాటలు అలాగే అద్భుతమైన సంగీతంతో ఆకట్టుకుంటాయి. ఈమధ్య పాటలు వినడం మళ్ళీ మొదలెట్టాను కదా చాలా రోజుల తర్వాత విన్న పాట ఇది, నాకు చాలా ఇష్టం. అన్నట్లు ఇప్పటివరకూ ఈ బ్లాగ్ లొ హిందీ పాటలు పోస్ట్ చేసినట్లు లేను కదా. సాథారణంగా నేను తెలుగు తో పాటు హిందీ ఇంగ్లీష్ తమిళ్ పాటలు కూడా వింటూంటాను. సో వీలు చూస్కుని అపుడపుడు ఆయాభాషా గీతాలను కూడా మీతో పంచుకుంటాను. 

ఎలాగూ ప్రేమికులదినోత్సవం కూడా కనుక పనిలో పనిగా ప్రేమికులకు వినిపిద్దామని ఇపుడీపాట పోస్ట్ చేస్తున్నాను, కానీ రెండుచేతులు కలిస్తేనే చప్పట్లు అన్నట్లు ప్రేమలో ఇద్దరి కంట్రిబ్యూషన్ ముఖ్యం కనుక మీరొక్కరు వింటే కొంచమే లాభం సో మీ మీ పార్టనర్స్ ని కూడా పక్కన కూర్చోపెట్టుకుని వినండి.. ప్రామిస్ చేసి బ్రేక్ చేయడం మన సంప్రదాయం కాదని మరోసారి నొక్కిచెప్పండి :-) ప్రామిస్సులు గుర్తుచేస్కోమన్నాను కదా అని పట్టుచీరలో వడ్డాణాల ప్రామిస్ లో గుర్తుచేస్కుంటే కష్టం మరి :-) 

ఈ పాట ఆడియో మాత్రమే వినాలంటే ఇక్కడ వినవచ్చు.

Film: Taal
Music Director: A R Rahman
Lyricist: Anand Bakshi
Singer(s): Sukhvindar Singh,  Alka Yagnik

सा सा रे सा सा

गा मा गा रे रे सा रे सा सा

यारा यारा यारा हो

करिये ना हाँ करिये ना कोई वादा किसी से करिये ना

करिये करिये हो करिये करिये तो वादा फिर तोड़िये ना

हाथ किसी का पकड़िये ना 

पकड़िये तो फिर छोड़िये ना

सा सा रे सा सा

गा मा गा रे रे सा रे सा सा

यारा यारा यारा हो

मैनूँ खिच पैंदी ए

सीने विच पैंदी ए

ओ मैंनूँ कुछ हो गया दुनिया कैंदी ए

ओ इस कुछ का नाम जवानी है ये उम्र बदि दीवानी है

तूम तननना तूम तननना तूम तननना ननना ना

सच्चे सब सपने लगते हैं बेगाने अपने लगते हैं

अपनों से मुँह मोड़िये ना सपनों के पीछे दौड़िये ना

करिये ना हाँ करिये ना कोई वादा किसी से करिये ना

करिये करिये हो करिये करिये तो वादा फिर तोड़िये ना

ऐना बदला दे नाल मैं जुड़ जावाँ

बन जावाँ पतंग मैं उड़ जावाँ

कोई परदेसी आवेगा तेरी डोली ले जावेगा

मैं सारी रसमें तोड़ूँगी बाबुल का घर नहीँ छोड़ूँगी

तक़दीरों का मुँह खोलिये ना 

चुप रहिये बस कुछ बोलिये ना 

करिये ना हाँ करिये ना कोई वादा किसी से करिये ना

करिये करिये हो करिये करिये तो वादा फिर तोड़िये ना

हाथ किसी का पकड़िये ना 

पकड़िये तो फिर छोड़िये ना

सा सा रे सा सा

गा मा गा रे रे सा रे सा सा

सा सा रे सा सा

गा मा गा रे रे सा रे सा सा

यारा यारा यारा हो

For lyrics in other scripts visit here.

పూర్తిగా చదువు

శీతవేళ రానీయకు రానీయకూ

దదాపు రెండున్నరేళ్ళ తర్వాత నిన్న నా ఐపాడ్ ని జాగ్రత్తగా బయటకు తీసి రీఛార్జ్ చేసి ఎప్పటిలాగే షఫుల్ ప్లేలో నాఐపాడ్ నాకోసం ఏం పాట వినిపిస్తుందా అని ఆత్రంగా ఎదురు చూస్తూ వింటే తను నాకోసం ఎన్నుకున్న పాట ఇది. “శీతవేళ రానీయకు రానీయకూ శిశిరానికి చోటీయకు చోటీయకూ” అంటూ పాడటం మొదలెట్టేసరికి ఔరా అనుకుంటూ పాటతో పాటే పెదవులపై అనుకోకుండా ఓ చిన్న చిరునవ్వు వికసించింది :-) ఈ పాట నాకు చాలా ఇష్టమైన పాట తరచూ వినే పాట కూడా. ఈ సంధర్బంలో వినడం మాత్రం తనకు రానివ్వద్దని తనగురించి ప్రాధేయపడుతుందో నన్ను హెచ్చరిస్తూందో కానీ భలే ఎన్నుకుంది అనిపించింది. 

ఈ సినిమా పాటల గురించి ఏం చెప్పను ప్రతిపాటా ఒక ఆణిముత్యమే. రమేష్ నాయుడి గారి బెస్ట్ వర్క్, ప్రత్యేకించి ఈ పాటకి సాహిత్యానికి తగినట్టుగా సంగీతం కూడా భలే కరెక్ట్ గా అమరింది, ఇందులో నాకు వాళ్ళిద్దరి సాన్నిహిత్యం కూడా భలే నచ్చుతుంది. చరణాల మధ్య పల్లవి పాడేప్పుడు ఒకళ్ళుపాడుతుంటే మరొకరు రాగంతీస్తూ సపోర్ట్ చేయడం అద్భుతంగా కుదురుతుంది. బహుశా చిత్రీకరించడం కష్టమని వదిలేశారో చిత్రం నిడివి దృష్టిలో పెట్టుకుని కత్తెరకి బలిచేశారోకానీ ఈ పాట వీడియో ఇంతవరకూ నేను చూడలేదు. సినిమాలోకానీ డివిడిలో కానీ ఎక్కడా రాలేదని అంటూంటారు.

ఈ పాట గురించి అక్కిరాజు భట్టిప్రోలు గారు చాలా చక్కని వ్యాఖ్యానం తన బ్లాగ్ లో రాసుకున్నారు ఒక్కసారి వీలు చేసుకుని అది ఇక్కడ చదవండి. పాటని ఎప్పుడెప్పుడు ఏ ఏ సంధర్భాలలో వినాలో ఎలా అర్ధంచేస్కోవాలో బహుచక్కగా వివరించారు తను. ఈ పాట ఆడియో రాగా లో ఇక్కడ వినవచ్చు.

పాడింది ఇద్దరే కదా ఆ మూడవ రంగు ఎవరి స్వరం ? ఎక్కడినుండి వచ్చిందని ఆశ్చర్యపడుతున్నారా :-) మొదటిది ఏసుదాసు గారి స్వరం రెండవది సుశీలమ్మ స్వరం మూడవ రంగు ఇద్దరూ కలిపి పాడినది. అందుకే ఈ పాట నాకు ఇంకా ఎక్కువ ఇష్టం.

చిత్రం : మేఘసందేశం

సాహిత్యం : దేవులపల్లి కృష్ణశాస్త్రి

సంగీతం : రమేష్ నాయుడు

గానం : ఏసుదాస్, సుశీల

శీతవేళ రానీయకు – రానీయకూ

శిశిరానికి చోటీయకు – చోటీయకూ

శీతవేళ రానీయకు – రానీయకూ

శిశిరానికి చోటీయకు – చోటీయకూ

ఎద లోపల పూలకారు

ఏ నాటికీ పోనీయకూ

శీతవేళ రానీయకు – రానీయకూ

శిశిరానికి చోటీయకు – చోటీయకూ

ఉగ్రమైన వేసంగి గాడ్పులు

ఆగ్రహించి పై బడినా అదరి పోవకూ

అదరి పోవకూ

ఉగ్రమైన వేసంగి గాడ్పులు

ఆగ్రహించి పై బడినా అదరి పోవకూ

అదరి పోవకూ

ఒక్కుమ్మడిగా వర్షా మేఘం

వెక్కి వెక్కి రోదించినా

లెక్క చేయకూ – లెక్క చేయకూ

శీతవేళ రానీయకు – రానీయకూ

శిశిరానికి చోటీయకు – చోటీయకూ

శీతవేళ రానీయకు – రానీయకూ

శిశిరానికి చోటీయకు – చోటీయకూ

చైత్రంలో తొగరెక్కిన కొత్త కోర్కెలు

శరత్తులో కైపెక్కే తీయని కలలు

చైత్రంలో తొగరెక్కిన కొత్త కోర్కెలు

శరత్తులో కైపెక్కే తీయని కలలు

మనసారా తీర్చుకో – మనుగడ పండించుకో

లోకానికి పొలిమేరను – నీలోకం నిలుపుకో

శీతవేళ రానీయకు – రానీయకూ

శిశిరానికి చోటీయకు – చోటీయకూ

శీతవేళ రానీయకు – రానీయకూ

శిశిరానికి చోటీయకు – చోటీయకూ

ఉదయాన మగత నిదర చెదరిపోవు వేళ

మబ్బులలో ప్రతి తారక మాయమయే వేళ

ముసలితనపుటడుగుల సడి ముంగిట వినబడెనా

ముసలితనపుటడుగుల సడి ముంగిట వినబడెనా

వీట లేడనీ చెప్పించూ – వీలు కాదనీ పంపించూ

వీలు కాదనీ పంపించు.

శీతవేళ రానీయకు – రానీయకూ

శిశిరానికి చోటీయకు – చోటీయకూ

ఎద లోపల పూలకారు

ఏ నాటికీ పోనీయకూ...

శీతవేళ రానీయకు – రానీయకూ

శిశిరానికి చోటీయకు – చోటీయకూ

పూర్తిగా చదువు

బెంగపడి సాధించేదేవిటీ...

ఈ మధ్య వచ్చే చాలా సినిమాలలో పాటలకి ఆడియో రిలీజ్ నుండి సినిమా విడుదలైన ఒకటి రెండు వారాల వరకూ షెల్ఫ్ లైఫ్ ఉంటుంది, అంతలోనే మరో కొత్త సినిమా పాటలు వాటిని పక్కకి తోసేస్తాయి ఒకరెండు నెలలు గడిచాక అసలా సినిమా+పాటలూ వచ్చిన విషయం కూడా మర్చిపోతాం. కానీ 1999 వరకూ వచ్చిన పాటలలో చాలావరకు పాటలకి Expiry date అనేది ఉండదు. కొన్ని పాటలు మన నిత్యజీవితంలో భాగస్వామ్యాన్ని పొందితే కొన్ని ఎప్పుడు విన్నా ఫ్రెష్ గా అలరిస్తాయి. ఆ మొదటి కేటగిరీకి చెందినదే “మనీ మనీ” సినిమాలోని ఈ “బెంగపడి సాధించేదేవిటీ” పాట. ఈ సినిమా విడుదలై ఇన్నేళ్ళైనా ఇంకా ఇప్పటికీ ఏదైనా ఇబ్బందులు వచ్చి మూడ్ బాలేకపోతే ఈ పాట పాడేస్కుని రిలాక్స్ అవుతాను. సినిమా ఫ్లాప్ అవడం వలన పాటలు కూడా అంత ప్రాచుర్యాన్ని పొందలేకపోయాయి కానీ సిరివెన్నెల గారు రాసిన పాటలలో బెస్ట్ సాంగ్స్ సరసన సులువుగా చేరిపోగల సత్తా ఉన్నది ఈ పాట.

శ్రీ సంగీత సారధ్యంలో చిత్ర, చక్రవర్తి గానం చేసిన ఈ సిరివెన్నెల రచనలో ఆంగ్ల పదాలు కాస్త ఎక్కువే కనిపించినా అవి దర్శకుడి టేస్ట్ కి సినిమా నేపధ్యానికి కరెక్ట్ గా సరిపోతాయి. ఎంతపెద్ద కష్టమైనా బాధపడుతూ కూర్చోటంవలన లాభంలేదనీ జీవితంలో ఆటుపోటులు సహజమని అర్ధంచేస్కుని ముందుకు వెళ్తూనే ఉండాలనే నీతిని చెప్తారు సిరివెన్నెల. అలా అని “పెద్ద ఓదార్చావులేవోయ్ ఇదే కష్టం నీకొస్తే తెలుస్తుంది..” అని అనే అవకాశం మనకి ఇవ్వకుండా ఒకపక్క కష్టాన్ని ఎలా ఎదుర్కోవాలో చెప్తూనే ఎదుటి వాడి కష్టాన్ని సులువుగా తీస్కుని ఓదార్చేవాళ్ళని దెప్పిపొడుస్తూ కూడా పాటంతా సరదా ఐన సంభాషణలతో నడిపించడం ఆకట్టుకుంటుంది.

నాకు ఈ పాట వీడియో కూడా చాలా ఇష్టం ఈ మనీ సిరీస్ లో జయసుధ వర్కింగ్ వుమన్ గెటప్ కానీ రేణుకసహాని నవ్వుకాని ఈ సినిమాలో కొత్తగా పరిచయం చేసిన సురభిని కానీ చూడటం విజువల్ ట్రీట్. ఇక్కడ లింక్ ఇచ్చిన వీడియోలో రెండవ చరణం ముందు చురాలియా మ్యూజిక్ బిట్ దగ్గర సురభి కింద కూచున్నపుడు జుట్టు అలల్లా ఎగురుతూ ఒక సైడ్ యాంగిల్ లో తనని అలా చూస్తుంటే అప్పట్లో కుర్రకారుకి మతిపోయేది :-) ఈ పాట వీడియో చూసి ఎంజాయ్ చేయండి. ఆడియో మాత్రమే వినాలనుకున్న వాళ్ళు ఇక్కడ వినవచ్చు.    

చిత్రం : మనీ మనీ

సాహిత్యం : సిరివెన్నెల

సంగీతం : శ్రీ

గానం : చిత్ర, చక్రవర్తి

బెంగపడి సాదించేదేవిటీ.. మనకుంది కదా టేకిటీజీ పాలసీ..

వాట్టెపిటీ(What a pity) ఏం ముంచుకొచ్చింది..

తమ ఫేసు మరి చిన్నబోయిందేమిటి

బెంగపడి సాదించేదేవిటీ.. మనకుంది కదా టేకిటీజీ పాలసీ..

ప్రాణహాని కాదు కదా ఐతే ఏమి వర్రీ..

జీవితాన ఆటుపోటులు అతి సహజం సుమతీ

అవును మరి మీ సొమ్మేం పోయింది..

మహ తేలికగా అనిపిస్తుంది మా గతి

ఏం సింపతీ.. మాబేషుగ్గా ఉంది..

దిగితేనే కదా లోతుపాతూ తేలేది

మాటతోటి మాయమయేదా మంటెత్తే సంగతీ

మాకు తెలవని థియరీలా ఇవి.. చాల్లే నీ సుత్తి

రోజూ ఎన్నో రైళ్ళూ బస్సులు పల్టి కొడుతున్నా

జర్నీ చేయక కూర్చున్నారా ఇంట్లో ఎవరైనా

బోడెగ్జాంపులు(బోడి example) అర్ధం ఏమిటి ఏడుపు నేరమనా

దెబ్బ తగలితే అబ్బా అనడా ఎంతటివాడైనా

ఇలాంటివన్ని మాములే అనుకుంటే పోలే

మరే అలాగా నువ్ పడ్డప్పుడు అనుకుంటాలే

కాలికేస్తే వేలికి వెయ్యకు లాభం ఏముంది

బాధ చూసి బోధలు చెయ్యకు ఎదోగా ఉంది

వాట్టెపిటీ ఏం ముంచుకొచ్చింది..

తమ ఫేసు మరి చిన్నబోయిందేమిటి

బెంగపడి సాదించేదేవిటీ.. మనకుంది కదా టేకిటీజీ పాలసీ..

హర్షద్ మెహతా కన్నా చక్రం అడ్డం తిరిగిందా

బోఫోర్స్ అయినా ఏ ఫోర్స్ అయినా కంట్రీ ఆగిందా

చుట్టు అంతా ఓకే ఐతే నాకేం ఒరిగిందోయ్

నా అక్కౌంట్లో మైనస్సంతా ప్లస్సైపోతుందా

ఊహూ ఉసూరుమంటే మాత్రం కలిసొస్తుందా

సరే అలా అని ఆనందిస్తే బాగుంటుందా

ఈతి భాదలన్నవి ఎరగని జీవుడి జాడేది

లేనిపోని టెన్షను దేనికి బీ బ్రేఓ సుమతీ

వాట్టెపిటీ ఏం ముంచుకొచ్చింది..

తమ ఫేసు మరి చిన్నబోయిందేమిటి

బెంగపడి సాదించేదేవిటీ.. మనకుంది కదా టేకిటీజీ పాలసీ..

ప్రాణహాని కాదు కదా ఐతే ఏమి వర్రీ..

జీవితాన ఆటుపోటులు అతి సహజం సుమతీ

పూర్తిగా చదువు