సోమవారం, మార్చి 11, 2013

నను నీతో.. నిను నాతో

మొన్న శుక్రవారం విడుదలైన గుండెల్లో గోదారి సినిమా పాటలు ఎపుడో నాలుగునెలల క్రితమే విడుదలైనా నాకు వినే అవకాశం దొరకలేదు. ఈ మధ్యనే వినడం మొదలు పెట్టిన ఈ పాటలు వింటున్నపుడు కొన్నిటిలో సినిమా సెటప్ కి తగినట్లుగా ఎనభైలలో ఇళయరాజా పాటలు విన్న ఫీల్ వచ్చింది. ముఖ్యంగా ఈ పాట నాకు విన్నవెంటనే బాగా నచ్చేసింది. అనంత శ్రీరాం సాహిత్యం అందించిన ఈ పాటను భవతారిణి చాలా చక్కగా పాడింది. చిత్రీకరణ మంచు లక్ష్మి సందీప్ లపై తీసినట్లున్నారు. అటాచ్ చేసిన వీడియోలో పాటలోని కొంత భాగం చూడవచ్చు. పూర్తిపాట ఆడియో రాగాలో ఇక్కడ వినండి.
 

చిత్రం : గుండెల్లో గోదారి
సంగీతం : ఇళయరాజా
సాహిత్యం : అనంత శ్రీరాం
గానం : భవతారిణి

నను నీతో నిను నాతో కలిపింది గోదారి.
నను నీలో నిను నాలో చూపింది తొలిసారి..
ఎమౌతావో నాకు నువ్వు, ఎమౌతానని నీకైనా నేను?
అందించావు ఈ కొలువు, నీ చెలిమై నే మళ్ళీ పుట్టాను.

నను నీతో నిను నాతో కలిపింది గోదారి.
నను నీలో నిను నాలో చూపింది తొలిసారి..

ఆ వరిపైరు పరుపెయ్యాలా గాలులు జోల పాడాల
ఆ హరివిల్లు మన ఉయ్యాలా నిన్నే నేనూ ఊపాలా
ఈ చెమ్మచెక్క చూసి వేగుచుక్కలే ఆ నింగి నుంచి దూకీ..
నా కళ్ళగంతలేసి కంటిలోపలా నీ నవ్వుల్నే చూపాలా
ఊహలు ఎన్నో నాకున్నా
మరిచేనే నన్నేనేను నీ ఊసే వింటే.. నీ ఊసే వింటే..

నను నీతో నిను నాతో కలిపింది గోదారి.
నను నీలో నిను నాలో చూపింది తొలిసారి..
ఎమవుతావో నాకు నువ్వు, ఎమౌతానని నీకైనా నేను?
అందించావు ఈ కొలువు, నీ చెలిమై నే మళ్ళీ పుట్టాను.

నను నీతో నిను నాతో కలిపింది గోదారి.
నను నీలో నిను నాలో చూపింది తొలిసారి..

మారిన ప్రాయం కోరినవన్నీ దొరికే తీరం నువ్వేరా
ఏమిటి న్యాయం నేనొక్కదాన్నే ఆశల భారం మోయ్యాలా
నీ వెచ్చనైన సాయం ఇచ్చి చూడమందీ వెన్నెల్లో గోదారి..
ఆ వంద ఏళ్ళ నెయ్యం పుచ్చుకోమందీ గుండెలోన దూరి.
ఆయువు ఉన్నా లేకున్నా..
క్షణమైనా చాలంటాను నీతోడై ఉంటే .. నీతోడై ఉంటే..

నను నీతో నిను నాతో కలిపింది గోదారి.
నను నీలో నిను నాలో చూపింది తొలిసారి..
ఎమవుతావో నాకు నువ్వు, ఎమౌతానని నీకైనా నేను?
అందించావు ఈ కొలువు, నీ చెలిమై నే మళ్ళీ పుట్టాను.

నను నీతో నిను నాతో కలిపింది గోదారి.
నను నీలో నిను నాలో చూపింది తొలిసారి..

2 comments:

మా ఇంట్లో అందరం వినీ వినీ అరగ్గోట్టేసాం ..ఈ పాట నాకు చాలా ఇష్టం.ఇళయరాజా పాటలుకదా...మా సాయి కి ఈ పాటలు చాలా ఇష్టం .తమిళం పాట కూడా పాడేస్తాడు.

థాంక్స్ రాధిక గారు హహహ అంతేనండీ ఇళయరాజా పాట కదా :) ఈ మధ్య బొత్తిగా డిజప్పాయింట్ చేస్తున్నారని కొత్తవి వినడానికి కొంచెం భయపడుతున్నాను.

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail