తళుకు తాంబూలమిస్తా...

అనసూయమ్మ గారి అల్లుడు చిత్రంలోని ఒక చక్కని పాటను ఈరోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : అనసూయమ్మ గారి అల్లుడు (1986)
సంగీతం : కె.చక్రవర్తి
సాహిత్యం : వేటూరి
గానం : యస్.పి.బాలు, పి.సుశీల

తళుకు తాంబూలమిస్తా వలపు వడ్డాణమెడతా
తళుకు తాంబూలమిస్తా వలపు వడ్డాణమెడతా
నన్నే పెళ్ళాడతావ కన్నె చిలకా

పెదవి పేరంటమొస్తా ఎదలో దీపాలు పెడతా
పెదవి పేరంటమొస్తా ఎదలో దీపాలు పెడతా
నన్నేలుకుంటావా గోరింకా

కోకిలమ్మ సన్నాయితో
నెమిలమ్మ మేజువాణితో
కోకిలమ్మ సన్నాయితో
నెమిలమ్మ మేజువాణితో
మారాకు మంచమేసి చిగురాకు చీరకట్టి
నాజూకు సారె పెట్టి నీ సోకు బుగ్గనెట్టి
రేయంత నెమరేస్తుంటే...
అందాల ఆవిరంత గంధాల కోటలైతే
మర్యాద చేసుకుంటాలే...
చిలకల కొలికికి పులకలు పుట్టి
తడిమిన చేతికి తపనలు పుడితే

పెదవి పేరంటమొస్తా ఎదలో దీపాలు పెడతా
నన్నేలుకుంటావా గోరింకా

మందార మలి పొద్దులో
చెంగావి చెంగు పూజలో
మందార మలి పొద్దులో
చెంగావి చెంగు పూజలో
పగడాల పక్కమీద పరువాల తోడుపెట్టి
పాలంటి పొంగుమీద పచ్చా కర్పూరమేసి
అందాలు అందిస్తుంటే హోయ్
పెదవింటి సిగ్గులన్ని పొదరింట ముగ్గులేసి
కట్నంలా చేతికొస్తావా...
మరుడికి నరుడికి తెలియనిదిస్తే
వరుడికి వలపుల కానుక తెస్తే

తళుకు తాంబూలమిస్తా వలపు వడ్డాణమెడతా
పెదవి పేరంటమొస్తా ఎదలో దీపాలు పెడతా
నన్నే పెళ్ళాడుతావ కన్నె చిలకా 

Posted in: చక్రవర్తి,పి.సుశీల,బాలు,వేటూరి