సోమవారం, జూన్ 05, 2017

మేఘాల పందిరి లోనా...

వయ్యారి భామలు వగలమారి భర్తలు చిత్రంలోని ఒక చక్కని పాట ఈ రోజు తలచుకుందాం. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : వయ్యారిభామలు వగలమారి భర్తలు (1982)
సంగీతం : రాజన్ నాగేంద్ర
సాహిత్యం : వేటూరి
గానం : బాలు, సుశీల

మేఘాల పందిరి లోనా
మెరిసింది మెరుపే ఔనా

మేఘాల పందిరి లోనా
మెరిసింది మెరుపే ఔనా
అది చూపై విరి తూపై
కురిసింది పూల వాన ఓ..
కురిసింది పూల వాన

రాగాల పల్లకి లోనా
పిలిచింది వలపే ఔనా
అది పాటై విరి బాటై
వెలసింది జీవితానా
ఓఓ వెలసింది జీవితానా

మేఘాల పందిరి లోనా
మెరిసింది మెరుపే ఔనా
 
గగనాల తార భువనాల జారి
నన్ను చేరువేళలో
నీవే ఆ తారై మదిని వెలిగినావులే
ఇలవంక జారు నెలవంక తీరు గోటమీటు వేళలో
నీవే నా నీడై మనసు తెలిపినావులే
మరులు గొలిపినావులే
అనని వినని ఏ రాగం
మనలో పలికే సరాగం 

మేఘాల పందిరి లోనా
మెరిసింది మెరుపే ఔనా
అది చూపై విరి తూపై
కురిసింది పూల వాన ఓ..
కురిసింది పూల వాన

రాగాల పల్లకి లోనా
పిలిచింది వలపే ఔనా

నీ తీపి ఉసురు నా వైపు విసిరి వెల్లువైన వేళలో
నాలో అల నీవై కలలు రేపినావులే
నీ నీలి కనుల లేలేత కలలు వెల్లడైన వేళలో
నాలో ఎద నీవై నిదుర లేచినావులే
కదలి పాడినావులే
మనసే కలిసే ఏ తీరం
విరిసే మమతా కుటీరం

రాగాల పల్లకి లోనా
పిలిచింది వలపే ఔనా
అది పాటై విరి బాటై
వెలసింది జీవితానా
ఓఓ వెలసింది జీవితానా

మేఘాల పందిరి లోనా
మెరిసింది మెరుపే ఔనా

 

0 comments:

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail