శుక్రవారం, అక్టోబర్ 17, 2014

ఇది స్వాతి జల్లు...

ఇళయరాజా గారి మరో రొమాంటిక్ ట్యూన్ ఇది దానికి తగినట్లే సాహితి గారి సాహిత్యం కూడా ఉంటుంది. సాహితి గారి పాటలలో మొదటి హిట్ సాంగ్ ఇదేనట. ఇందులో మనోగారి కన్నా జానకి గారి సింగింగ్ స్టైల్ నాకు చాలా ఇష్టం. మనసుని నిజంగానే స్వాతి జల్లులో తడిపేసి గమ్మత్తైన అనుభూతిని పంచే ఈపాటను మీరూ విని ఆనందించండి. ఎంబెడెడ్ యూట్యూబ్ వీడియో వాన ఫోటోలతో చేసిన ప్రజంటేషన్. ఆడియో వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.
 


చిత్రం : జమదగ్ని(1988)
సంగీతం : ఇళయరాజా
సాహిత్యం : సాహితి
గానం : మనో, జానకి

ఇది స్వాతి జల్లు ఒణికింది ఒళ్ళు 
వయసంది ఝల్లు వాటేసి వెళ్ళు 
పెళ్ళాడే వాడా పెనవేసే తోడా 

ఇది స్వాతి జల్లు ఒణికింది ఒళ్ళు 
నీ నీలి కళ్ళు అవునంటే చాలు 
అల్లాడే దానా అలవాటైపోనా..

ఇది స్వాతి జల్లు

నీలి కోక నీటికి తడిసే పైట గుట్టు బైటపడే 
పెళ్ళి కాని పిల్లకి చలితో పెద్ద చిక్కు వచ్చి పడే 
నీలి కోక నీటికి తడిసే పైట గుట్టు బైటపడే 
పెళ్ళి కాని పిల్లకి చలితో పెద్ద చిక్కు వచ్చి పడే 
కన్నె ఈడు కాగిపోయెరా... 
పడిన నీరు ఆవిరాయెనా 
నాలో తాకే గిలిగింతే గంతే వేసే ఇన్నాళ్ళూ 
నీకై కాచే వయసంతా మల్లై పూచే
కౌగిట్లో నీ ముంత కొప్పంత 
రేపేయనా తీపంత చూపేయనా
 
ఇది స్వాతి జల్లు ఒణికింది ఒళ్ళు 
వయసంది ఝల్లు

చిన్నదాని అందాల నడుమే సన్నగుంది ఎందుకని 
అందగాని చేతికి ఇట్టే అందుతుంది అందుకని
చిన్నదాని అందాల నడుమే సన్నగుంది ఎందుకని 
అందగాని చేతికి ఇట్టే అందుతుంది అందుకని
బుగ్గమీద సొట్ట ఎందుకే సక్కనోడి తీపి ముద్దుకే 
నాకివ్వాళా సోయగాల సోకివ్వాలా 
శోభనాల రేయవ్వాల యవ్వనాల హాయివ్వాలా
ఈ పూటా మన జంట చలిమంట 
కాగాలిరా గిల్లంత తీరాలిరా

ఇది స్వాతి జల్లు ఒణికింది ఒళ్ళు 
వయసంది ఝల్లు వాటేసి వెళ్ళు
అల్లాడే దానా అలవాటైపోనా..
ఇది స్వాతి జల్లు ఒణికింది ఒళ్ళు 
వయసంది ఝల్లూ...


2 comments:

మంచులో మల్లెపూవంటి పాట..యెప్పుడు విన్నా మనసు ఝల్లుమనే పాట..ఇందులోదే "యేలా ఇంతదూరం" సాంగ్ కూడా ప్రెజెంట్ చేయండి వేణూజీ..

తప్పకుండా శాంతి గారూ... త్వరలో ప్రజంట్ చేస్తాను...

వ్యాఖ్యను పోస్ట్ చెయ్యండి

SPAM కామెంట్స్ ని కంట్రోల్ చేయడానికి పాతటపాలకు కామెంట్ మోడరేషన్ ఎనేబుల్ చేయబడినది. మీరు కామెంట్ రాసే టపా రెండువారాల లోపు ప్రచురించినది కాకపోతే మీకామెంట్ పోస్ట్ లో కనపడటానికి సమయం పట్టవచ్చు. మీ సహనానికి సహకారానికి దన్యవాదాలు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.
TwitterFacebookGoogle PlusLinkedInRSS FeedEmail