శనివారం, అక్టోబర్ 11, 2014

ఈ సంజెలో.. కెంజాయలో...

రేడియో పరిచయం చేసిన పాటలలో ఇదీ ఒకటి... ఎక్కడున్నా ఏ పని చేస్తున్నా కానీ సుశీలమ్మ "ఈ సంజెలో..." అని మొదలు పెట్టగానే సగం అటెన్షన్ ఈ పాట వైపు పెట్టేసి ఆలకించే వాడ్ని. పాటంతా సుశీల గారు కష్టపడి పాడుతుంటే మధ్యలో బాలుగారు సరదాగా చిన్న చిన్న ఆలాపనలతోనే మార్కులు కొట్టేస్తారు. నాకు నచ్చిన ఈపాట మీరూ వినీ ఆస్వాదించండి. ఈ పాట ఆడియో ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు.


చిత్రం : మూగప్రేమ (1970)
సంగీతం : చక్రవర్తి
సాహిత్యం : ఆచార్య ఆత్రేయ
గానం : బాలు, పి సుశీల

ఈ సంజెలో... కెంజాయలో....
ఈ సంజెలో కెంజాయలో
చిరుగాలుల కెరటాలలో

ఈ సంజెలో.. కెంజాయలో..
చిరుగాలుల కెరటాలలో
ఏ మల్లి మరులెల్ల ఎగదోసెనో
ఏ రాజు ఎదలోతు చవిచూసెనో
అ.అ.హహ.. ఈ సంజెలో.. 

ఆఆ..ఆహా....ఓఓ...ఓహో...
ఈ మేఘమే రాగ స్వరమో
ఆఆఆఆ...
ఆ రాగమే మూగ పదమో
ఆఆఆఆ...
ఈ మేఘమే రాగ స్వరమో
ఆఆహా....
ఆ రాగమే మూగ పదమో
ఈ చెంగు ఏ వయసు పొంగో
ఆఆఆఆ...
ఆ పొంగు ఆపేది ఎవరో
ఎవరో అదెవరో
రెప రెప రెప రెప రెప రెప

ఈ సంజెలో..

మ్మ్..ఊహూ..ఆఅ..ఆహా..
పులకించి ఒక కన్నె మనసు
ఆఆఆఆ...
పలికింది తొలి తీపి పలుకు
మ్మ్మ్..మ్మ్మ్..
పులకించి ఒక కన్నె మనసు
ఆహాహా..ఆ...
పలికింది తొలి తీపి పలుకు
చిలికింది అది లేత కవిత
ఆఆఆఆ...
తొణికింది తనలోని మమత
మదిలో మమతలో
రిమ ఝిమ రిమ ఝిమ రిమ ఝిమ

ఈ సంజెలో...

ఆఆ..ఆహా....ఓఓ...ఓహో...
నా కళ్లలో ఇల్లరికము
ఆఆఆఆ...
నా గుండెలో రాచరికము
ఆఆఆ...
నా కళ్లలో ఇల్లరికము
ఆహహహ...
నా గుండెలో రాచరికము
ఈ వేళ నీవేలే నిజము
ఆఆఆఆ...  
నేనుంది నీలోన సగము
సగమే జగముగా
కల కల కల కిల కిల కిల

ఈ సంజెలో.. కెంజాయలో..
చిరుగాలుల కెరటాలలో
ఏ మల్లి మరులెల్ల ఎగదోసెనో
ఏ రాజు ఎదలోతు చవిచూసెనో
అ.అ.హహ.. ఈ సంజెలో.. 


2 comments:

శ్రీరాముని భక్తితో వేడినా..మనోభిరాముని కై విరహం తో పాడినా..సుశీలమ్మ కే చెల్లు..

థాంక్స్ ఫర్ ద కామెంట్ శాంతి గారు.. సుశీలమ్మ గారి గురించి బాగా చెప్పారు.

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.