మంగళవారం, నవంబర్ 19, 2019

ప్రియతమా హృదయమా...

అయ్యప్ప చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.
చిత్రం : అయ్యప్ప (2011)
సంగీతం : ఎస్.ఎమ్.ప్రవీణ్
సాహిత్యం :
గానం : 

ప్రియతమా హృదయమా అయ్యప్పా
జ్యోతికీ నిలయమా అయ్యప్పా
ప్రియతమా హృదయమా అయ్యప్పా
జ్యోతికీ నిలయమా అయ్యప్పా

నీరూపే నిలువెల్ల అణువణువు నిండి
నీ వాడినైనాను చెలిమి కలిమి పొంది
కోరి కొలిచెదను చేరి నిలిచెదను
నిన్నె పిలిచెదను అయ్యప్పా..

ప్రియతమా హృదయమా అయ్యప్పా
జ్యోతికీ నిలయమా అయ్యప్పా

మనవిని వినమని కలవని
ఎదుట నిలచి నిను పిలిచా
హరుడని హరియని కలిసిన
దొరవని తలచి నినుకొలిచా
ఆదుకొనిన స్వామి
నన్నాదుకొనవు ఏమీ
చేదుకొనవ స్వామీ
ఈ భక్తుని సేద తీర్చవేమి
మది హరించుటకు
విధి వరించుటకు
నే తరించుటకు
హరిహర నందుడు
అనుగ్రహించునని
అనునయించునని
శిరసా మనసా వచసా

ప్రియతమా హృదయమా అయ్యప్పా
జ్యోతికీ నిలయమా అయ్యప్పా

చిరు చిరు నగవుల
తొలకరి కనిన ఐతి కన్నెస్వామి
మరి మరి వనముల పదములు
అలిసె తెలిసి రావేమీ
పర్వాలు వంటి పడులు
పదునెనిమిదైన వస్తా
నా గుండె గుడిని చేసి
ఇరుముడిని నేను మోసుకొస్తా
కలవరించు నను కనికరించుమని
కలత తీర్చమని కరిమల సొగసుల
కల్ప తరువుగా కరువు తీరగా
జపమా తపమా వరమా

ప్రియతమా హృదయమా అయ్యప్పా
జ్యోతికీ నిలయమా అయ్యప్పా

నీరూపే నిలువెల్ల అణువణువు నిండి
నీ వాడినైనాను చెలిమి కలిమి పొంది
కోరి కొలిచెదను చేరి నిలిచెదను
నిన్నె పిలిచెదను అయ్యప్పా..

ప్రియతమా హృదయమా అయ్యప్పా
జ్యోతికీ నిలయమా అయ్యప్పా 

 

2 comments:

పిక్, పాట రెండూ బావున్నాయి..

థాంక్స్ ఫర్ ద కామెంట్ శాంతి గారు..

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.