ఊరేది పేరేది ఓ చందమామ...

రాజమకుటం చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. ఈ పాట గురించి రాగాల గురించి మరింత సమాచారం ఇక్కడ చూడవచ్చు.

చిత్రం : రాజమకుటం (1960)
సంగీతం : మాస్టర్ వేణు(ఆర్కెస్ట్రేషన్)
బాలాంత్రపు రజనీకాంతరావు (బాణి కూర్పు)
సాహిత్యం : నాగరాజు.
గానం : ఘంటసాల, లీల.

ఎందుండి వచ్చేవో ఏదిక్కు పోయేవో ఓ...ఓ..
ఊరేది పేరేది ఓ చందమామ
ఊరేది పేరేది ఓ చందమామ
నిను చూచి నీలి కలువ పులకింపనేలా
ఊరేది పేరేది ఓ చందమామ

ఓ..ఓ..జాబిల్లి నీలీ కలువా విడరాని జంట
ఊరేల పేరేల ఓ కలువ బాల
ఊగెటి తూగెటి ఓ కలువ బాల

ఆ..ఆ..ఆ..
విరిసిన రేకుల చెలువనురా..ఆ..ఆ..
కురిసే తేనేల కలువనురా
తరిపి వెన్నెలల దొర రారా ఆ..ఆ..ఆ..
మరుగెలనురా నెలరాజ
తెర తీయర చుక్కల రేడా
రావోయి రావోయి ఓ చందమామ

పరువములొలికే విరిబోణీ
పరువములొలికే విరిబోణీ
స్వప్నసరసిలో సుమరాణీ ఆ..ఆ..
కొలనంతా వలపున తూగే
అలలై పులకింతలు రేగే
నీవాడ నేగాన ఓ కలువ బాలా..ఆఆ..

తరుణ మధుర మొహనా హిమకర
గరళ యవ్వనాంబురాశి కనర
సురుచిర మదనా నివాళి ఇదిగో
సురుచిర మదనా నివాళి ఇదిగో
వలచిన నా హృదయమె గైకొన రారా

నీదాననే గానా ఓ కలువ రేడా
నీవాడనే గానా ఓ కలువ బాల
ఊహూ..హూ..హూ..హూ... 

 

Posted in: ఘంటసాల,బాలాంత్రపు రజనీకాంతరావు,మాస్టర్ వేణు,లీల