వసంతం పల్లకి...

వంశీ గారి దర్శకత్వంలో వచ్చిన స్వరకల్పన చిత్రంలోని ఓ చక్కని పాట ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ డౌన్లోడ్ చేస్కోవచ్చు లేదా యూట్యూబ్ జ్యూక్ బాక్స్ లో మరింత క్లారిటీతో ఆడియో ఇక్కడ వినవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : స్వరకల్పన (1989) 

సంగీతం : అమర్ (గంగై అమరన్)

సాహిత్యం : ??

గానం : బాలు, ఎస్.పి. శైలజ

వసంతం పల్లకి వనాల రాణికి
సుగంధం పల్లవి సుధామయ గీతికి
సరాగం సాగగానే మురళి సరళి
పరాగం పాట పాడె పవన రమణి
జగాలే ఊగే తియ్యని హాయిలో
వసంతం పల్లకి వనాల రాణికి
సుగంధం పల్లవి సుధామయ గీతికి

గుసగుసల కిసలయం
కిలకిలల జలజంనవమదన మదగజం
కనబడుట సహజం
ఎటు చూసినా నీ రూపమే
ఎద మీటవా ఋతురాణిలా
అందాల బాలా అజవరాలా
అరవిరుల మరుల లలన

వసంతం పల్లకి వనాల రాణికి
సుగంధం పల్లవి సుధామయ గీతికి

కొసమెరుపు కులుకుల
కువకువల నెమలి
విరి పొదల మధువుల
రిమరిమల భ్రమరి
వర్దిల్లుమా వాసంతమా
వడబోసిన రసభావమా
లోకాలనేలే నెరజాణా
నవధవళ కమల లయన

వసంతం పల్లకి వనాల రాణికి
సుగంధం పల్లవి సుధామయ గీతికి
సరాగం సాగగానే మురళి సరళి
పరాగం పాట పాడె పవన రమణి
జగాలే ఊగే తియ్యని హాయిలో
వసంతం ఆహహా.. లలలల్లా..

 

Posted in: అమర్,బాలు,శైలజ