గురువారం, ఏప్రిల్ 19, 2018

వసంతంలా వచ్చి పోవా ఇలా..

ముద్దుల ప్రియుడు చిత్రంలోని ఒక హుషారైన పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : ముద్దుల ప్రియుడు (1994)
సంగీతం : ఎమ్.ఎమ్.కీరవాణి
సాహిత్యం : వేటూరి
గానం : బాలు, చిత్ర

వసంతంలా వచ్చిపోవా ఇలా 
నిరీక్షించే కంటికే పాపలా
కొమ్మకు రెమ్మకు గొంతులు విప్పిన
తొలకరి పాటల సొగసరి కోయిలలా
వసంతంలా వచ్చిపోవా ఇలా 
నిరీక్షించే కంటికే పాపలా

హాయిలా మురళి కోయిల 
అరకులోయలా పలుకగా
వేణువై తనువు గానమై 
మనసు రాధనై పెదవి కలిపాలే
మదిలో మధురాపురి ఉన్నది తెలుసా మనసా
నడిచే బృందావని నీవని తెలిసే కలిశా
పూటా ఒక పాట తొలి వలపుల 
పిలుపుల శృతులు తెలుసుకోవా

వసంతంలా వచ్చిపోవా ఇలా
నిరీక్షించే కంటికే పాపలా

మౌనమో ప్రణయ గానమో 
మనసు దానమో తెలుసుకో
నీవులో కలిసి నేనుగా అలసి 
తోడుగా పిలిచి వలచాలే
శిలలే చిగురించిన శిల్పం చెలిగా పిలిచే
కనులే పండించిన స్వప్నం నిజమై నిలిచే

నేడో మరునాడో మన మమతల 
చరితల మలుపు తెలుసుకోవా
 
వసంతంలా వచ్చిపోవా ఇలా 
నిరీక్షించే కంటికే పాపలా
కొమ్మకు రెమ్మకు గొంతులు విప్పిన
తొలకరి పాటల సొగసరి కోయిలలా


వసంతంలా వచ్చిపోవా ఇలా


2 comments:

పిక్ చాలా బావుందండీ..

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.