గురువారం, నవంబర్ 05, 2020

ఆడవే అందాల సురభామిని...

యమగోల చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు. 


చిత్రం : యమగోల (1977)
సంగీతం : చక్రవర్తి
సాహిత్యం : వీటూరి
గానం : బాలు, సుశీల

ఆడవే అందాల సురభామిని
ఆడవే అందాల సురభామిని 
పాడవే కళలన్నీ ఒకటేననీ
ఆడవే అందాల సురభామిని
గానమేదైనా స్వరములొక్కటే
పనిపస నిసనిగ నిపమగ 
మపగస మగసని సగని
నాట్యమేదైనా నడక ఒక్కటే 
భాష ఏదైనా భావమొక్కటే 
అన్ని కళల పరమార్థమొక్కటే 
అందరినీ రంజింపజేయుటే

ఆ.ఆ.. ఆడవే అందాల సురభామిని

ఓహో రంభా.. సకల కళానికురంభా
రాళ్ళనైనా మురిపించే జాణవట 
అందానికి రాణివట
ఏదీ.. నీ హావభావ విన్యాసం
ఏదీ.. నీ నాట్యకళాచాతుర్యం

ఆఆఆ... ఆఆఆ ... ఆఆఆఆఆఆ

అరువది నాలుగు కళలందు మేటిని 
అమరనాథునికి ప్రియ వధూతిని
అరువది నాలుగు కళలందు మేటిని 
అమరనాథునికి ప్రియ వధూతిని
సరసాలలో.. ఈ సురశాలలో..
సరసాలలో.. ఈ సురశాలలో..
సాటిలేని శృంగార వాసిని..
నిత్యనూతన రాగ స్రవంతిని.. 
రసవంతిని జయ జయవంతిని ..
రసవంతిని.. జయ జయవంతిని

ఆడవే అందాల సురభామిని 
పాడవే కళలన్నీ ఒకటేననీ
ఆడవే అందాల సురభామిని
ఓహో ఊర్వశీ.. అపురూప సౌందర్య రాశి
ఏదీ.. నీ నయన మనోహర నవరస లాస్యం
ఏదీ.. నీ త్రిభువన మోహన రూప విలాసం

మదనుని పిలుపే నా నాదము.. 
స్మర కదన శాస్త్రమే నా వేదము
మదనుని పిలుపే నా నాదము.. 
స్మర కదన శాస్త్రమే నా వేదము
కనువిందుగా.. కరగని పొందుగా.. 
కోటి స్వర్గాలు చూపించు నా స్నేహము
అంతులేని శృంగార పిపాసిని.. 
తరతరాల మీ ప్రేయసిని... చారుకేశిని..

ఆడవే అందాల సురభామిని.. 
పాడవే కళలన్నీ ఒకటేననీ..
ఆడవే అందాల సురభామిని..
 
ఓహో మేనకా!.. మదన మయూఖా
సాగించు నీ రాసలీలా.. 
చూపించు శృంగార హేలా.. 
సాగించు నీ రాసలీలా

నగవులతో మేని బిగువులతో..
నగవులతో మేని బిగువులతో.. 
వగలొలికించు వయ్యారి నెరజాణను
ఏ చోట తాకినా.. ఏ గోట మీటినా.. 
మధువులొలికించు మరులు చిలికించు
మధురమైన రసవీణను.. 
రతిరాజ కళా ప్రవీణను.. 
సారంగలోచనను..

ఆడవే అందాల సురభామిని.. 
పాడవే కళలన్నీ ఒకటేననీ.. 
ఆడవే అందాల సురభామిని 
 


0 comments:

వ్యాఖ్యను పోస్ట్ చెయ్యండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.