ఆడువారి మాటలకు... ~ పాటతో నేను

సోమవారం, జులై 13, 2020

ఆడువారి మాటలకు...

సోమవారం, జులై 13, 2020 వేణూశ్రీకాంత్ 2 వ్యాఖ్యలు

ఖుషి సినిమా కోసం మిస్సమ్మ చిత్రంలోని "ఆడువారి మాటలకు" పాటను రీమిక్స్ చేశారు. ఈ పాట ఒరిజినల్ ఫ్లేవర్ ఏమాత్రం చెడకుండా ఈ తరం అభిరుచికి తగినట్లుగా రీమిక్స్ అంటే ఇలాగే చేయాలనిపించేలా మణిశర్మ చేసిన ఈ రీమిక్స్ ఒరిజినల్ అంత పాపులర్ అయింది. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : ఖుషి (2001)

సంగీతం : ఎస్. రాజేశ్వరరావు

రీమిక్స్ : మణిశర్మ

సాహిత్యం : పింగళి

గానం : ఖుషి మురళి

ఆడువారి మాటలకు అర్థాలే వేరులే

అర్థాలే వేరులే... అర్థాలే వేరులే...

ఆడువారి మాటలకు అర్థాలే వేరులే

అలిగి తొలగి నిలిచినచో

చెలిమిజేయ రమ్మనిలే

అలిగి తొలగి నిలిచినచో

చెలిమిజేయ రమ్మనిలే

చొరవ చేసి రమ్మనుచో

మర్యాదగ పొమ్మనిలే

చొరవ చేసి రమ్మనుచో

మర్యాదగ పొమ్మనిలే

ఆడువారి మాటలకు అర్థాలే వేరులే

విసిగి నసిగి కసిరినచో

విషయమసలు ఇష్టమెలే

విసిగి నసిగి కసిరినచో

విషయమసలు ఇష్టమెలే

తరచి తరచి ఊసడిగిన

సరసమింక చాలనిలే

తరచి తరచి ఊసడిగిన

సరసమింక చాలనిలే

ఆడువారి మాటలకు అర్థాలే వేరులే

~*~*~*~*~*~*~*~*~*~*~

ఈ తరానికి రీమిక్స్ నచ్చితే ఆ తరానికి ఒరిజినల్ పాట ఎంతగా నచ్చిందో చెప్పనక్కర్లేదు కదా. ఆ ఒరిజినల్ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.