శుక్రవారం, మే 29, 2020

అందమైన లోకమనీ...

తొలికోడి కూసింది చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.


చిత్రం : తొలి కోడి కూసింది (1981)
సంగీతం : ఎమ్మెస్.విశ్వనాథన్      
సాహిత్యం : ఆత్రేయ
గానం : జానకి

ఓఓఓ..ఓహో..ఓఓఓ..ఓహో
ఓఓఓ..ఓహో..ఓఓఓ..ఓహో
అందమైన లోకమనీ
రంగు రంగులుంటాయని
అందరూ అంటుంటారు రామ రామా
అంత అందమైంది కానేకాదు చెల్లెమ్మ
చెల్లెమ్మా... అందమైంది కానేకాదు చెల్లెమ్మా

అందమైన లోకమనీ
రంగు రంగులుంటాయని
అందరూ అంటుంటారు రామ రామా
అంత అందమైంది కానేకాదు చెల్లెమ్మ
చెల్లెమ్మా... అందమైంది కానేకాదు చెల్లెమ్మా


ఆకలి ఆశలు ఈ లోకానికి మూలమమ్మా
ఆకలి ఆశలు ఈ లోకానికి మూలమమ్మా
ఆకలికి అందముందా రామ రామా
ఆశలకు అంతముందా చెప్పమ్మా చెల్లెమ్మా
ఆశలకు అంతముందా చెప్పమ్మా

అందమైన లోకమనీ
రంగు రంగులుంటాయని
అందరూ అంటుంటారు రామ రామా
అంత అందమైంది కానేకాదు చెల్లెమ్మా


గడ్డిమేసి ఆవు పాలిస్తుంది
పాలు తాగి మనిషీ విషమౌతాడు
గడ్డిమేసి ఆవు పాలిస్తుంది
పాలు తాగి మనిషీ విషమౌతాడు
అది గడ్డి గొప్పతనమా
ఇది పాల దోష గుణమా
అది గడ్డి గొప్పతనమా
ఇది పాల దోష గుణమా
మనిషి చాలా దొడ్డాడమ్మా చెల్లెమ్మా
చెల్లెమ్మా... తెలివి మీరి చెడ్డాడమ్మా చిన్నమ్మా

అందమైన లోకమనీ
రంగు రంగులుంటాయని
అందరూ అంటుంటారు రామ రామా
అంత అందమైంది కానేకాదు చెల్లెమ్మా


ముద్దుగులాబీకి ముళ్ళుంటాయి
మెగలిపువ్వులోన నాగుంటాది
ముద్దుగులాబీకి ముళ్ళుంటాయి
మెగలిపువ్వులోన నాగుంటాది
ఒక మెరుపు వెంట పిడుగూ
ఒక మంచిలోన చెడుగూ
లోకమంత ఇదే తీరు చెల్లెమ్మా
చెల్లెమ్మా... లోతుకెళ్తే కథే వేరు పిచ్చమ్మా

అందమైన లోకమనీ
రంగు రంగులుంటాయని
అందరూ అంటుంటారు రామ రామా
అంత అందమైంది కానేకాదు చెల్లెమ్మా


డబ్బు పుట్టి మనిషీ చచ్చాడమ్మా
పేదవాడు నాడే పుట్టాడమ్మా
డబ్బు పుట్టి మనిషీ చచ్చాడమ్మా
పేదవాడు నాడే పుట్టాడమ్మా
ఆ ఉన్నవాడు తినడూ
ఈ పేదను తిననివ్వడూ
కళ్లులేని భాగ్యశాలి నువ్వమ్మా
ఈ లోకం కుళ్లు నీవు చూడలేవు చెల్లెమ్మా

అందమైన లోకమనీ
రంగు రంగులుంటాయని
అందరూ అంటుంటారు రామ రామా
అంత అందమైంది కానేకాదు చెల్లెమ్మా
చెల్లెమ్మా... అందమైంది కానేకాదు చెల్లెమ్మా

 

2 comments:

Great meaningful lyrics in simple words by athreya Garu

కామెంట్‌ను పోస్ట్ చేయండి

పోస్ట్ కంటెంట్ తో సంబంధంలేని మరియూ బ్లాగ్ అగ్రిగేటర్స్ ని స్పామ్ చేసే ప్రమోషనల్ కామెంట్స్ పబ్లిష్ చేయబడవు.

నేను ??

నా ఫోటో
గుంటూరు, ఆంధ్రప్రదేశ్, India
అర్ధంకానివాళ్ళకో ప్రశ్నార్థకం, అర్ధమైన వాళ్ళకో అనుబంధం. ఈ లోకంలో ఎందరో పిచ్చాళ్ళున్నారు. డబ్బు, పదవి, కీర్తి, కాంత, కనకం, ప్రేమ, సినిమా, మంచితనం, తిండి ఇలా ఎవరికి తోచిన పిచ్చిలో వాళ్ళు మునిగి తేలుతుంటారు. నేనూ ఓ పిచ్చోడ్నే.