ఒక దేవతా ప్రేమ దేవతా...

తరంగిణి చిత్రంలోని ఒక చక్కని పాటను ఈ రోజు తలచుకుందాం. ఈ పాట ఆడియో మాత్రమే వినాలంటే ఇక్కడ వినవచ్చు లేదా ఇక్కడ డౌన్లోడ్ చేస్కోవచ్చు. ఎంబెడెడ్ వీడియో ఇక్కడ చూడవచ్చు.

చిత్రం : తరంగిణి (1985)
సంగీతం : జె.వి.రాఘవులు  
సాహిత్యం : సినారె
గానం : బాలు, శైలజ 

నిర్మల సుర గంగాజల
మంజుల స్వర్ణకమలమో
క్షీరసాగర సమానీత
సుధాపూర్ణ కలశమో
ఆ ..ఆ..ఆ...ఆ..ఆ.

ఒక దేవత ప్రేమ దేవతా
పోత పోసిన అనురాగమో
ఏపూర్వజన్మల ప్రణయ
రమ్య రసయోగమో
ఒక దేవత ప్రేమ దేవతా

ఎదలో సూటిగా పదునుగా
నాటిన మదన బాణమో
పద పదమున మధు
మధురిమలోలికిన
రసోన్మాదమో..హొయ్
ఒక దేవత ప్రేమ దేవతా
రసికత దాచిన శృంగారమో
ఆ రతీదేవి ధరియించిన
తొలి అవతారమో...హాయ్..
ఒక దేవత ప్రేమ దేవతా

హా..ఆఆఅ... ఆ ఆ ఆ ఆ ఆ ఆ
హృదయమే సుమ హారముగా అర్పించనా
జీవితమే కర్పూరముగా వెలిగించనా
ఆరాధన మాటున దాగిన
ఆవేదన ఎలా తెలుపను
మనసులోన రగిలే కలతను
మాటలతో ఎలా చెప్పను

హహ హహహహ
ఆరాదన ఒక నటన
ఆవేదన ఒక నటనా హహ
రసయోగం ఒక నటన
ఆ అనురాగం ఒక నటనా
అది నటనయని వంచనయని తెలిసెనులే
ఇక ఆ దేవత ఆ గుడిలో నిలవదులే
కోరుకున్న కోవెలలో చేరునులే
సరికొత్త ప్రేమ పూజలందితీరునులే

స్వార్ధం ఎరుగదు ప్రేమ
పరమార్ధం మరువదు ప్రేమ
ఆ ప్రేమకు రెండే అక్షరాలూ
అవి గగనాలు సాగరాలు
అవి అందుకోలేరు కాముకులూ
అవి పొందగా లేరు వంచకులూ

ఆ దేవతా ప్రేమ దేవతా
ఆ దేవతా ప్రేమ దేవతా
మదిలో వెలసిన మాధవుడే
ఎదురై నిలిచిన రాఘవుడే
ప్రియ విభుడు..
నా ప్రియ విభుడు..

 

Posted in: 70's-90's పాటలు,జె.వి.రాఘవులు,బాలు,శైలజ,సినారె